U Biarozie pjanaha biaspraŭnika zatrymlivali, stralajučy pa kołach
Stralaninaj skončyłasia pahonia za pjanym kiroŭcam na aŭtadarozie R—101 «Pružany — Biaroza», jak raskazali ŭ MUS Biełarusi ŭ paniadziełak. Tam udakładnili, što incydent adbyŭsia napiaredadni pozna ŭviečary.
«Inśpiektary DAI Biarozaŭskaha RAUS padali sihnał ab spynieńni kiroŭcu Mercedes. Patrabavańnie jon praihnaravaŭ i praciahnuŭ ruch, pavialičvajučy chutkaść. Pačaŭsia pieraśled», — havorycca ŭ paviedamleńni viedamstva.
U MUS padkreślivajuć, što kiroŭca nieadnarazova praihnaravaŭ patrabavańnie supracoŭnikaŭ milicyi spynicca, a sprabujučy ŭciačy, pačaŭ stvarać realnuju pahrozu žyćciu i zdaroŭju inšych ludziej.
«Inśpiektaram daviałosia zrabić niekalki papieradžalnych strełaŭ u pavietra, a zatym pa kołach aŭto. Tolki tak udałosia spynić uciekača», — raskazali ŭ viedamstvie.
Vyśvietliłasia, što aŭto kiravaŭ 39-hadovy žychar Biarozy. Miedyčny ahlad pakazaŭ najaŭnaść u jaho 1,5 pramile ałkaholu. U sałonie taksama znachodzilisia niećviarozy 38-hadovy pasažyr (2,1 pramile) i 14-hadovaja dačka kiroŭcy.
Pry zatrymańni, jak śćviardžajecca, mužčyny nie padparadkavalisia zakonnym patrabavańniam supracoŭnikaŭ milicyi, praz što da ich była ŭžytaja fizičnaja siła, nie abyšłosia i bieź śpiecyjalnych srodkaŭ.
«Kiroŭcu pahražaje adkaznaść za kiravańnie transpartnym srodkam u stanie ałkaholnaha apjanieńnia, nieadnarazovaje nievykanańnie patrabavańniaŭ supracoŭnikaŭ DAI ab spynieńni i niepadparadkavańnie», — paviedamili ŭ Ministerstvie.
Da hetaha vypadku kiroŭca ŭžo trojčy pryciahvaŭsia da kryminalnaj adkaznaści za niećviarozaje kiravańnie.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj16
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary