Rajfajzienbank, rasijskaja «dačka» RBI, abmiažoŭvaje pieravod vychodnych płaciažoŭ u jeŭra na rachunki ŭ inšyja rasijskija banki i kredytnyja arhanizacyi z krain, jakija nie ŭvachodziać u śpis «niedružalubnych». Pra heta havorycca ŭ aficyjnym paviedamleńni banka.
Bank udakładniaje, što z 3 lipienia vychodny płaciež u jeŭra ŭ inšy bank nie atrymajecca pravieści, kali bank atrymalnika znachodzicca ŭ Rasii, Azierbajdžanie, Armienii, Biełarusi, Hruzii, Iardanii, Kazachstanie, Kyrhyzstanie, Małdovie, Abjadnanych Arabskich Emiratach, Tadžykistanie, Turkmienistanie, Uźbiekistanie.
Abmiežavańni datyčać fizičnych asob, indyvidualnych pradprymalnikaŭ, a taksama jurydyčnych asob. Vyklučeńnie — pieravody ŭ jeŭra pamiž svaimi rachunkami abo pamiž klijentami Rajfajzienbanka ŭ Rasii.
U inšych vypadkach bank raić źmianić valutu vychodnaha pieravodu ci skarystacca inšym sposabam płaciažoŭ.
Ciapier čytajuć
Amierykanski žurnalist Šuster raskazaŭ, jak jaho ŭhavorvali zrabić intervju z Łukašenkam. Navat prapanoŭvali hrošy6
Kamientary