Biełarusbank u ramkach zmahańnia z machlarstvam uvioŭ novyja limity
Biełarusbank z 17 lipienia vyrašyŭ pavialičyć pieralik apieracyj, pa jakich jość limity, paviedamlajecca na sajcie banka.
Jak i raniej, pa kartkach «Aksamit» limit budzie 400 rubloŭ u sutki, a pa inšych debietavych kartach — 3 tysiačy rubloŭ u sutki. Hetyja abmiežavańni ciapier nie dziejničajuć pry pieravodach z karty na kartu, a z 17 lipienia limity raspaŭsiudziacca i na hetyja apieracyi.
«Abmiežavańni nakiravanyja na abaronu klijentaŭ i minimizacyju vypadkaŭ kradziažu ašukancami hrašovych srodkaŭ z rachunkaŭ šlacham atrymańnia ad uładalnikaŭ kartak infarmacyi dla ŭvachodu ŭ dystancyjnyja servisy», — havorycca ŭ paviedamleńni banka.
U pačatku hetaha hoda Biełarusbank paviedamlaŭ pra ŭviadzieńnie limitaŭ, naprykład, na atrymańnie najaŭnych pa kodzie ŭ bankamatach (pieravod «Chutki»). Minimalnaja adnarazovaja suma była abmiežavanaja dziesiaćciu rublami, a maksimalnaja — sotniaj.
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary