Paŭła Łatušku zaprasili paŭdzielničać u adkryćci III Jeŭrapiejskich hulniaŭ u Krakavie. Minułyja hulni prachodzili ŭ Minsku, i ich adkryvaŭ Łukašenka
Siońnia ŭ polskim Krakavie adkryvajucca III Jeŭrapiejskija hulni, na jakija arhanizatary pryncypova nie dapuścili nijakich udzielnikaŭ ad aficyjnaha Minska. Adnak biełaruskaja delehacyja tam usio ž jość, i jana dastatkova pradstaŭničaja.
Pa zaprašeńni ministra sportu i turyzmu Polščy Kamila Bartničuka i arhkamiteta spabornictvaŭ va ŭračystym adkryćci ŭdzielničaje namieśnik kiraŭnicy Abjadnanaha pierachodnaha kabinieta Pavieł Łatuška.
Taksama ŭ składzie biełaruskaj delehacyi, zaprošanaj na cyrymoniju ŭ Krakaŭ, — słavutyja biełaruskija spartsmieny i dziejačy sportu, čempijony i pryziory Jeŭrapiejskich hulniaŭ, čempijanataŭ śvietu i Jeŭropy: Alaksandr Chackievič, Ściapan Papoŭ, Ivan Hanin, Karyna Kazłoŭskaja i inšyja.
Pavieł Łatuška, padziakavaŭšy arhanizataram cyrymonii, vykazaŭ upeŭnienaść:
«Udzieł biełaruskaj delehacyi ŭ cyrymonii adkryćcia III Jeŭrapiejskich hulniaŭ pa aficyjnym zaprašeńni krainy-arhanizatara — krok, kab adasobić łukašenkaŭskich spartsmienaŭ, jakija padtrymlivajuć prapahandu, ad biełaruskich spartsmienaŭ, jakija adkryta vykazali pratest suprać złačynstvaŭ režymu. Heta vydatny precedent dla mižnarodnych spartyŭnych instytutaŭ i arhanizataraŭ spabornictvaŭ. Spadziajomsia, što jon stanie prykładam dla inšych».
Peŭnaja ironija situacyi — u tym, što praviadzieńnie II Jeŭrapiejskich hulniaŭ 2019 hoda režym Łukašenki zdoleŭ zdabyć dla siabie. Jany prajšli ŭ Minsku i byli zadumanyja jak bujnaja prapahandysckaja akcyja režymu z metaj jahonaj stanoŭčaj prezientacyi ŭ śviecie.
Praŭda, u vyniku ŭłady sutyknulisia ź nizkaj cikavaściu da hetych spabornictvaŭ jak unutry krainy, tak i zvonku. Raźliki na vialikija płyni zamiežnych turystaŭ nie apraŭdalisia, bo hetyja spabornictvy ŭ mižnarodnym kalendary pakul što nie vielmi prestyžnyja. U samoj ža krainie ŭ hramadstvie, choć heta jašče i nie było vielmi zaŭvažna vonkava, vyśpiavali pratesnyja nastroi.
Biełaruskaje hramadstva abudžałasia, i tamu sproba niepapularnaha kiraŭnictva padniać svoj aŭtarytet praz arhanizacyju maštabnych mižnarodnych mierapryjemstvaŭ mieła, chutčej, advarotny efiekt. Ludziej bolš aburali vialikija vydatki na hulni biez choć by jakoha ŭzhadnieńnia ich metazhodnaści z hramadstvam, asablivych ža plusoŭ ad ich jany nie bačyli.
U toj ža čas mnohim zapomniłasia cyrymonija adkryćcia Jeŭrapiejskich hulniaŭ u Minsku, jakaja niečakana mieła padkreślena nacyjanalny charaktar zamiest čakanaha aficyjozna-savieckaha.
Čytajcie taksama:
Ciapier čytajuć
Vyjšaŭ na svabodu były top-žurnalist ANT Dźmitryj Siemčanka9
Kamientary
Voch, pieraprašaju, chakej abryd, basketbolnych arenaŭ!