Pieršaja łedzi Ukrainy Alena Zialenskaja nie žyvie razam z mužam z pryčyn biaśpieki, ale ciapier bačycca ź im kožny dzień, bo pracuje ŭ Ofisie prezidenta Ukrainy. Pra heta jana raskazała ŭ intervju Jerusalem Post.
Jana raskazała, što pačynaje svoj dzień z prahladu navin, kab daviedacca, kudy za noč udaryli rasijskija rakiety. Jana zhadała, što budynak u jaje rodnym horadzie Kryvym Rohu, mima jakoha jana prachodziła kožny dzień na praciahu mnohich hadoŭ, niadaŭna byŭ razburany, u vyniku zahinuli 11 čałaviek.
Jana apisała pačućcio, jakoje moža być znajomaje šmatlikim izrailcianam: «Ja viedaju, jak heta, kali hladziš naviny, sprabujučy zrazumieć, što adbyłosia, i pakul nie atrymaješ aficyjnaha paćviardžeńnia, ty nie viedaješ napeŭna, ci jość siarod achviar tvaje blizkija».
Pavodle jaje słoŭ, na praciahu dnia jana chodzić u Ofis i pracuje nad takimi prajektami, jak prahrama achovy psichičnaha zdaroŭja, palapšeńnie jakaści školnych abiedaŭ i dapamoha achviaram chatniaha hvałtu, a taksama daje intervju i pravodzić telefonnyja i videazvanki.
Zialenskaja žyvie asobna ad ukrainskaha prezidenta, jaki śpić u svaim kabiniecie dziela jaho biaśpieki, a jana kožny dzień viartajecca da svaich dziaciej.
«Kali nam pašancuje, my sustreniemsia za abiedam u ofisie, — skazała jana. — U hety momant nichto z nas nie moža dazvolić sabie nijakaha volnaha času abo zabaŭ».
«Ja pamiataju pustyja vulicy i apakaliptyčnaje adčuvańnie ŭ Kijevie, ale letam horad znoŭ pačaŭ napaŭniacca žyćciom», — skazała jana.
«Časam, kali b vy jašče nie viedali, što idzie vajna, vy b i nie daviedalisia pra heta, tamu što ekanomika pracuje i ludzi iduć na pracu. Ludzi dumali, što banki zbankrutujuć, a ekanomika abryniecca, ale niejkim čynam my zmahli heta vytrymać», — reziumavała jana.
-
Eks-ministra enierhietyki Ukrainy zatrymali pry sprobie źjechać z krainy
-
«Pa-tavarysku zaklikajem biełaruskich siabroŭ». U MZS Rasii papiaredzili Łukašenku pilnavać rasijskija intaresy ŭ adnosinach z ZŠA
-
U Hiermanii adbyłosia hrandyjoznaje rabavańnie banka na miljony jeŭra, jakoha nichto nie zaŭvažyŭ
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT14
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary
botała?