Hienierał Syrski: Hałoŭnyja siły ŭ boj jašče nie ŭstupali, usio napieradzie
Kamandujučy Suchaputnymi vojskami USU hienierał-pałkoŭnik Alaksandr Syrski ŭ intervju vydańniu The Guardian paviedamiŭ, što asnoŭnyja siły ŭkrainskaj armii jašče nie byli zadziejničanyja ŭ nastupleńni, jak piša «Ukrainskaja praŭda».
«Usie chočuć dasiahnuć vialikaj pieramohi imhnienna i adrazu. My taksama chočam hetaha. Ale my pavinny być hatovyja da taho, što hety praces zojmie niekatory čas, tamu što z abodvuch bakoŭ zasiarodžana šmat sił, šmat techniki i šmat inžyniernych pieraškod», — adznačyŭ hienierał.
«Chaču skazać, što našy asnoŭnyja siły jašče nie zadziejničanyja ŭ bajavych dziejańniach, i my ciapier šukajem, pramacvajem słabyja miescy ŭ abaronie praciŭnika. Usio jašče napieradzie», — papiaredziŭ jon.
Syrski taksama dadaŭ, što vorah praciahvaje ŭzmacniać samyja niebiaśpiečnyja dla siabie kirunki i buduje tam mahutnuju abaronu, jakuju davoli ciažka prarvać. Adnak jon upeŭnieny, što miesca dla praryvu budzie znojdzienaje.
Taksama hienierał raskazaŭ, što ciapier hrupoŭka rasijskich vojskaŭ na ŭkrainskaj terytoryi naličvaje kala 400 000 čałaviek.
Čanharski most paškodžany macniej, čym dumali — Salda
«Vajna patrebnaja była, kab kupka žyviolin papijaryłasia». Pryhožyn daŭ rezanansnaje intervju, u jakim padvioŭ hrunt pad spynieńnie vajny
«Rakieta trapiła roŭnieńka ŭ kabiniet». Ukraincy źniščyli rasijskaha pałkoŭnika, jaki kiravaŭ zmahańniem z padpollem na akupavanych terytoryjach
Ciapier čytajuć
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili partyju palitviaźniaŭ5
Kamientary