Na budaŭnictva IT-kampusa ŭ Vilni vydatkujuć €100 młn. Jon pavinien adkrycca ŭ 2024 hodzie i stać «litoŭskaj Kramianiovaj dalinaj».
Ź biełaruskim Parkam vysokich technałohij hety prajekt radnić tematyka, ale ŭ astatnim jon vielmi mocna adroźnivajecca. Pa-pieršaje, heta nie dziaržaŭnyja, a pryvatnyja inviestycyi. Pa-druhoje, vialikaja staŭka tut robicca na startapy, jak piša Office Life.
Jak paviedamlajecca, IT-kampus płoščaj 55 tysiač kvadratnych mietraŭ źjavicca na miescy staroj šviejnaj fabryki ŭ rajonie Naŭjamieścis.
Heta na 20 tysiač «kvadrataŭ» bolš, čym u paryžskaha «kankurenta» — kampusa startapaŭ Station F.
Zhodna z prajektam, tut raźmieściacca ofisy prykładna na 5 tysiač supracoŭnikaŭ, a taksama ŭsia sacyjalnaja infrastruktura, u tym liku arendnaje žyllo, adździaleńni bankaŭ, bary, restarany, sałony pryhažości.
Pracavać IT-kampus budzie kruhłasutačna. Dla startu prajekta ŭžo vydzielena €30 młn.
Aŭtary prajekta ličać, što im udasca pryciahnuć u tym liku biełaruskich ajcišnikaŭ, jakija rełakavali svoj biznes u Jeŭropu.
Naprykład, u Polščy tolki za I kvartał 2023 hoda kolkaść IT-kampanij ź biełaruskim kapitałam vyrasła na 10% i skłała 328 biznesaŭ.
Ciapier čytajuć
Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»27
Kamientary