Dojlidu z Brestčyny, jaki budavaŭ cerkvy ŭ niekalkich krainach, dali kałoniju pa čatyroch palityčnych artykułach
Dojlid Aleh Kinieŭ śpiecyjalizujecca na budaŭnictvie z dreva — najpierš kultavych pabudoŭ.
Alehu Kinievu 56 hadoŭ. Jon žyvie ŭ ahraradku Pieršamajskaja (Błudzień) u Biarozaŭskim rajonie Bresckaj vobłaści. Prachodziŭ terminovuju słužbu ŭ marskoj piachocie.
Jon pradprymalnik, zajmajecca dachavymi pracami. Jahonaja śpiecyjalizacyja — vyrab kupałaŭ dla pravasłaŭnych cerkvaŭ. Aleh zajmajecca hetym z 2000-ch. Spačatku jon pracavaŭ z bryhadaj jak najomny pracaŭnik, a praź niekalki hadoŭ adkryŭ svaju spravu.
Kinieŭ rekanstrujavaŭ kupał Patryjaršaha pradstaŭnictva RPC, stvaraŭ kupał dla carkvy vajskovaj čaści ŭ Słonimie, rabiŭ dubovy most, prystań i altanku na vyspačcy pobač ź siadzibaj hrafa Huten-Čapskaha ŭ Stańkavie i kaplicu ŭ zaaparku. Ahułam ža jahonyja raboty raskidanyja pa roznych haradach i vioskach Biełarusi.
Kupały vytvorčaści Aleha jość i ŭ Litvie, Šviecyi i ZŠA.
Aleha Kinieva aryštavali naprykancy 2024 hoda. Niadaŭna jaho asudzili pa čatyroch artykułach — «raspalvańnie varožaści» (č. 1 art. 130 KK), «abraza Łukašenki» (č. 1 art. 368 KK), «abraza słužbovaj asoby» (art. 369 KK) i «ŭstupleńnie ŭ skład ekstremisckaha farmiravańnia» (č. 3 art. 361‑1 KK).
Dojlidu pahražała da šaści hadoŭ kałonii, ale dakładny prysud, jak i sutnaść abvinavačańniaŭ, nieviadomyja. Ciapier jon zastajecca za kratami.
«Naša Niva» — bastyjon biełaruščyny
PADTRYMAĆ
Kamientary
ahułam == vmiestie, soobŝa, sovmiestno; vsieho, itoho