«Pryjdziem u kožnuju viosku!» Orban abviaściŭ zbor podpisaŭ suprać płana ES pa abaronie ad Rasii
Premjer-ministr Vienhryi maje namier prademanstravać, što «vienhierski narod nie choča vajny».
Viktar Orban abviaściŭ ab pačatku zboru podpisaŭ suprać abarončaha płana Jeŭrasajuza. Hetaja stratehija pa abaronie ad Rasii abmiarkoŭvałasia na samicie ŭ Kapienhahienie.
Vienhierski premjer zajaviŭ, što jaho krainie hety płan nie patrebny.
«Niekalki tydniaŭ tamu ŭ Kapienhahienie byŭ pradstaŭleny Brusielski vajenny płan: Jeŭropa płacić, ukraincy vajujcie, i Rasija budzie vyčarpanaja. My nie viedali, kolki heta kaštuje i kolki heta budzie doŭžycca. Zamiest stratehii brusielcy addalisia letucieńniam», — napisaŭ Orban u fejsbuku.
Jon abvinavaciŭ Brusiel u arhanizacyi infarmacyjnaj kampanii suprać Vienhryi.
«Ja jasna daŭ zrazumieć u Danii: my takoha nie prosim. Z tych časoŭ jany pačali kampaniju suprać Vienhryi. Arsienał vielizarny. Abvinavačvańni ŭ špijanažy, skandały z falšyvymi navinami i jurydyčnyja truki. Jany pajšli suprać nas u Brusieli i mabilizavali svaich unutranych pradstaŭnikoŭ taksama», — paskardziŭsia Orban.
Jon zajaviŭ, što nie moža siadzieć skłaŭšy ruki i prosta nazirać. Tamu Orban abviaściŭ zbor podpisaŭ suprać płana Jeŭrasajuza.
«Treba jašče raz prademanstravać, što vienhierski narod nie choča vajny. Voś čamu siońnia pačynajem zbor podpisaŭ suprać vajennych płanaŭ Brusiela. My budziem tam u kožnym horadzie i ŭ kožnaj vioscy, tamu što zaraz nam patrebnyja ŭsie miralubivyja vienhry!» — napisaŭ Orban.
U Kapienhahienie lidary krain ES abmiarkoŭvali, u pryvatnaści, stvareńnie ściany dronaŭ dla abarony ad rasijskich pravakacyj, a taksama kaardynacyju manitorynhu pavietranaha ruchu. U samicie ŭdzielničaŭ i prezident Ukrainy Uładzimir Zialenski.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary
Chiba što pryhonnych niama