Kampramis miž Pucinym i Pryhožynym dasiahnuty pry pasiarednictvie Łukašenki — jaho pres-słužba
Pres-słužba Łukašenki paviedamiła, što Łukašenka pa damoŭlenaści z Pucinym vioŭ pieramovy z Pryhožynym i nibyta dabiŭsia pośpiechu.
Pavodle pres-słužby Łukašenki, kali siońnia ranicaj prezident Rasii Uładzimir Pucin prainfarmavaŭ Łukašenku pra situacyju, jany damovilisia nakont sumiesnych dziejańniaŭ.
Paśla taho Łukašenka vyjšaŭ na suviaź ź Jaŭhienam Pryhožynym. Pieramovy doŭžylisia ŭvieś dzień, i ŭ vyniku baki «pryjšli da damoŭlenaści ab niedapuščalnaści raźviazvańnia kryvavaj bojni na terytoryi Rasii».
Jaŭhien Pryhožyn nibyta pryniaŭ prapanovu Łukašenki ab spynieńni ruchu ŭzbrojenych vahnieraŭcaŭ na terytoryi Rasii i dalejšych krokach pa deeskałacyi napružańnia.
«Na hety momant na stale — absalutna vyhadny i prymalny varyjant raźviazvańnia situacyi, z harantyjami biaśpieki dla bajcoŭ PVK «Vahnier», — śćviardžaje Łukašenkava pres-słužba.
Čytajcie taksama:
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary