Hramadstva22

«Kožnuju ranicu čytaje Bibliju na biełaruskaj movie». Jak trymajecca ŭ SIZA Andrej Dźmitryjeŭ

Minski haradski sud u piatnicu razhledzieŭ apielacyjnuju skarhu na prysud, vyniesieny palityku, lidaru likvidavanaj partyi «Havary praŭdu» Andreju Dźmitryjevu.

Andrej Dźmitryjeŭ paśla rehistracyi kandydatam u prezidenty. Minsk, 14 lipienia 2020 hoda. Fota: «Naša Niva»

Sudździa Anžeła Kaściukievič pastanaviła pakinuć prysud, vyniesieny 6 krasavika, u sile i bieź źmienaŭ. Palityk pavinien budzie adbyć paŭtara hoda pazbaŭleńnia voli za svoj udzieł u pratestach.

Ciapier, kali apielacyja razhledžanaja, Andreja Dźmitryjeva pavinny nieŭzabavie pieravieści ŭ kałoniju. Užo amal paŭhoda jon znachodzicca ŭ SIZA-1 Minska.

«Ranica pačynajecca ź Biblii na biełaruskaj movie. Vučycca malavać, pisać levaj rukoj. Čytaje adnu knihu na tydzień. Prachodzić kala 8000 krokaŭ u dzień», — raskazali «Lusterku» jaho blizkija.

Nahadajem, Dźmitryjeva zatrymali 11 studzienia i abvinavacili va ŭdziele ŭ pratestach paśla vybaraŭ 2020 hoda. U dadatak da hetaha Śledčy kamitet zajaviŭ, što palityk «599 razoŭ pierasiakaŭ dziaržmiažu Biełarusi, ź ich 33 — paśla 2020 hoda», a jaho kantakty z pradstaŭnikami palityčnych kołaŭ Jeŭropy i ZŠA nibyta mohuć śviedčyć pra «kaardynacyju jaho dziejnaści z-za miažy».

Adnak na sudzie hetyja abvinavačvańni nie prahučali. Jak zajaviła prakuror, Dźmitryjeŭ trojčy ŭdzielničaŭ u niesankcyjanavanych masavych akcyjach u Minsku z 23 žniŭnia da 6 vieraśnia 2020 hoda, «dałučaŭsia da hrupy ludziej, jakija hruba parušajuć hramadski paradak, vychodziŭ na prajeznuju častku darohi, što paciahnuła parušeńnie pracy transpartu, zaklikaŭ da parušeńnia paradku, jahonyja dziejańni byli nakiravanyja na abvastreńnie napružanaści ŭ hramadstvie». U vyniku palityka pryznali vinavatym pavodle č. 1 art. 342 KK.

U pačatku maja ŭ Andreja Dźmitryjeva pamierła maci, jakaja ciažka pieražyvała źniavoleńnie syna. Na pachavańnie jaho nie adpuścili.

Kamientary2

  • Josik
    26.06.2023
    Chto na pasatach salarku vyvozić, da vas u prakurora moža byť pytańnie - stolki razoŭ miažu pierajazdžajecie.
  • kisio
    26.06.2023
    a da Łatuški niama nijakich pytańniaŭ?

Ciapier čytajuć

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam19

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam

Usie naviny →
Usie naviny

ZŠA prypyniajuć pastaŭki niekatoraha ŭzbrajeńnia Ukrainie4

U Biełarusi pradajuć łaźniu na kołach, pabudavanuju na bazie staroha «Miersiedesa». Kolki prosiać?

Tramp zajaviŭ, što Izrail pahadziŭsia na ŭmovy 60-dzionnaha pieramirja ŭ Hazie

U Danii ŭviali abaviazkovuju vajskovuju słužbu dla žančyn2

U minskaj Hrušaŭcy pradajuć kvateru z maleniečkaj kuchniaj i vialikaj canoj za kvadratny mietr1

Biznesmien Juryj Hurski straciŭ kantrol nad kampanijaj Flo Health

Połacki ŭniviersitet vyčyściŭ z sajta ŭsie zhadki pra svajho supracoŭnika, jaki zahinuŭ na vajnie va Ukrainie7

Rasijanie nanieśli ŭdar pa siale ŭ Dnieprapiatroŭskaj vobłaści. Siarod zahinułych — kamandzir bryhady

Makron adnaviŭ praktyku šmathadzinnych razmoŭ z Pucinym2

bolš čytanych navin
bolš łajkanych navin

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam19

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam

Hałoŭnaje
Usie naviny →

Zaŭvaha:

 

 

 

 

Zakryć Paviedamić