U pradstaŭnictvie Biełarusi ŭ Ženievie pracuje kadebist — «Rabočy ruch»
U červieni ŭ Ženievie prachodziła Mižnarodnaja kanfierencyja pracy. Tudy skiravałasia delehacyja ad łukašenkaŭskaha prafsajuza na čale ź Michaiłam Ordam. Ale kudy bolš cikavym byŭ inšy pasłańnik režymu.
Pra jaho raskazaŭ na jutub-kanale «Rabočaha ruchu» pradstaŭnik niezaležnaj inicyjatyvy Juryj Ravavy, jaki taksama prysutničaŭ na toj kanfierencyi.
Pa słovach Ravavoha, na kanfierencyju byŭ akredytavany ŭ tym liku supracoŭnik KDB Jaŭhien Ladnioŭ, jaki pracuje jak pieršy sakratar pastajannaha pradstaŭnictva Biełarusi ŭ Ženievie.
Pierad plenarnym pasiadžeńniem jon stajaŭ la ŭvachodu ŭ zału i kansultavaŭ inšych delehataŭ ad łukašenkaŭskaha prafsajuza, jak śćviardžaje Ravavy. Jon nie adrazu paznaŭ Ladniova, bo toj źmianiŭ pryčosku i adraściŭ baradu.
Pa infarmacyi «Rabočaha ruchu», Ladnioŭ prybyŭ u Ženievu ŭ 2021 hodzie i maje pašpart dla prykryćcia na inšaje imia — Siarhiej Harčakoŭ. Supracoŭniku 34 hady, jon rodam z Hrodna.
Na tym pasiadžeńni ŭ Ženievie Mižnarodnaja arhanizacyja pracy padtrymała rezalucyju ab prymianieńni ŭ dačynieńni da Biełarusi artykuła 33 statuta arhanizacyi. Łukašenkaŭskaja delehacyja sprabavała hetaha nie dapuścić.
Artykuł 33 statuta MAP abviaščaje: «U vypadku, kali jaki-niebudź siabar arhanizacyi ŭ vyznačany termin nie vykanaje rekamiendacyj, što źmiaščajucca ŭ dakładzie Kamisii pa rasśledavańniach abo ŭ rašeńni Mižnarodnaha suda, kali takija majucca, Administracyjnaja rada moža rekamiendavać kanfierencyi takija dziejańni, jakija jana paličyć metazhodnymi dla zabieśpiačeńnia vykanańnia hetych rekamiendacyj».
Rezalucyja prapanuje ŭdzielnikam MAP pierahledzieć svaje adnosiny z uradam Biełarusi.
Pryniataje rašeńnie moža mieć vynikam padtrymku z boku MAP vyklučnych ekanamičnych sankcyj za nievykanańnie rekamiendacyj. Siarod inšaha heta tearetyčna moža vylicca ŭ błakavańnie luboha ekspartu i faktyčnaha ŭstanaŭleńnia ekanamičnaj błakady ŭ dačynieńni da krainy, jakaja parušaje pravy rabotnikaŭ.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary