Hramadstva2525

Azaronak u majcy z Z spaliŭ biełaruski ściah u lesie, dzie razvodzić vohnišča zabaroniena

Prapahandysty Ryhor Azaronak i Andrej Łazutkin palili biełaruski ściah. Źniščeńnie ściaha łukašysty pryśviacili haniebnamu vyhnańniu ź minskaha Doma kultury na Matusieviča rasijskich nacyjanał-balšavikoŭ. Ale jość niuans nie tolki z samim učynkam prapahandystaŭ, ale i ź miescam, dzie jon adbyŭsia.

Azaronak i Łazutkin palać u lesie nacyjanalny ściah. Fota: skryn videa STB

Repartaž sa spalvańniem ściaha Azaronak pryśviaciŭ padziei, jakaja adbyłasia ŭ siaredzinie 1990-ch. Tady rasijskija nacyjanał-balšaviki na čale sa svaim lidaram Eduardam Limonavym vyrašyli dapamahčy Łukašenku stvaryć moładzievuju arhanizacyju i zaadno pafiestyvalić. Daviałosia, adnak, ratujučy siabie, uciakać.

Azaronak z Łazutkinym u pieradačy demanstratyŭna spalili ŭ lesie bieł-čyrvona-bieły ściah.

Azaronak paliŭ biełaruski simvał u Z-majcy.

Svoj učynak łukašysty pryraŭniali da akcyi rasijskich nacyjanał-balšavikoŭ.

Achoplenaje połymiem pałotnišča abpaliła ruki Azaronku.

Za ździek sa ściaha łukašystaŭ, viadoma, nie pakarajuć. Ale cikava inšaje: spalvać jaho jany pajechali ŭ Minski rajon, dzie praz zasušlivaje haračaje nadvorje abmiežavanaje naviedvańnie lasoŭ (heta značyć, što palić vohnišča tam zabaroniena).

Supracoŭniki pryrodaachoŭnaj słužby, kudy źviarnuŭsia čytač «Našaj Nivy», nie viedali, pra kaho havorka, i paraili napisać zajavu na parušalnika.

«Naohuł heta administracyjnaje pravaparušeńnie. Abmiežavańni ž uvodziać, kab abaranić lasy ad pažaraŭ», — davodzili čytaču ŭ lashasie.

Zhodna z Kodeksam administracyjnych pravaparušeńniaŭ, Azaronka i Łazutkina musiać aštrafavać na 925 rubloŭ (25 bazavych vieličyniaŭ).

Kali čytač skazaŭ, chto parušalnik, surazmoŭcy stali pierakonvać jaho nie ŭviazvacca ŭ takuju spravu.

«Jon ža tam nie prosta vohnišča raskłaŭ, ale tam byli zdymki. Apieratar, jašče niechta. Tamu vyniesuć rašeńnie, što pahrozy nijakaj nie było.

Moža, u ich i dazvoł byŭ. Heta takaja była sproba… Jon ža hetym zajmajecca. Heta jaho praca», — źmianili parady pryrodaachoŭniki.

Azaronak ablivaje ściah haručaj vadkaściu, a Łazutkin staić na im. Fota: skryn videa STB

Vychadka Azaronka sa ściaham — zvykłaja maniera jaho pavodzin na kamieru. 

U svaich pieradačach Azaronak abražaje prychilnikaŭ demakratyčnaha ruchu, padtrymlivaje bajavyja dziejańni Rasii va Ukrainie i represii, učynienyja łukašystami ŭ Biełarusi, dy śpiavaje słavasłoŭi Łukašenku.

Łukašenka ŭ svaju čarhu padaryŭ Azaronku kuvałdu.

«Naša Niva» — bastyjon biełaruščyny

PADTRYMAĆ

Hladzicie taksama:

«Nie prezidentu Biełarusi pra heta havaryć». Biełaruskija prapahandysty pieralakanyja miaciažom Pryhožyna

Azaronak vystupiŭ z vyklučnymi antysiemickimi zajavami

«A ci budzie stvorany resurs nakštałt Tut.by?» Što prapahandysty kažuć biełarusam na sustrečach i jakija pytańni im zadajuć ludzi

«Biełarus» z repartažu Azaronka, jaki vajuje za Rasiju, akazaŭsia ŭradžencam Surhuta

Kamientary25

  • Rukopisi nie horiat
    26.06.2023
    Hospodi, vsie łukašisty i jabaťki, takoje žie h...no, kak i azarionok i łazutkin.
    Oni čto, nadiejutsia na łučšije miesta v samolotie łukašienok ?
    Prieždie, čiem takoje tvoriť, nado było chorošo podumať.
    A s podumať i tiem boleje chorošo podumať, u łukašistov i jabatiek vsiehda byli bolšije problemy.
  • dziakuj za rekłamu
    26.06.2023
    Admoŭny pijar taksma pijar. Niachaj pijaryć b-č-b dalej, nie zaminajcie jamu. 
  • Hańba
    26.06.2023
    Vydychajecua prarasiejski fašyst. Inšyja ŭ jaho hady kančatkova vyrašali roznyja pytańni, a hety ŭsio dziacinicca. Jašče ŭ sałdacikaŭ-karpiankoŭcaŭ pieramožna pahulaj, kidałt tłusty.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy9

SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy

Usie naviny →
Usie naviny

Śledam za servisami «Aerafłotu» ŭ Rasii lahli i «Dziaržpasłuhi»3

Śvietłahorskaha aktyvista Anatola Źmitroviča asudzili za paklop na Łukašenku

Łukašenka znoŭ sustreniecca z Pucinym1

Što stała pryčynaj śmierci troch rabotnikaŭ «Biełarusnafty» padčas ramontu na trasie1

Kitaj upieršyniu ŭvodzić hrašovyja vypłaty na dziaciej — 500 dalaraŭ u hod za kožnaje dzicia da troch hadoŭ2

U DTZ pad Varšavaj zahinuŭ biełarus1

U Breście zaŭvažyli adrazu čatyroch lis u adnym miescy. Tam ža byŭ i kot2

Nieŭzabavie majuć źjavicca novyja banknoty jeŭra. Jany ŭžo vyklikali polska-francuzskija sprečki22

Palicyja Hdańska prakamientavała samazabojstva byłoha vajara Jahora Iśpiańkova1

bolš čytanych navin
bolš łajkanych navin

SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy9

SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy

Hałoŭnaje
Usie naviny →

Zaŭvaha:

 

 

 

 

Zakryć Paviedamić