Amierykaniec pamyłkova achviaravaŭ 15 tysiač dalaraŭ zamiest 150. Paśla taho historyja nabrała niečakanyja abaroty
Svajoj historyjaj žychar Kalifornii Majkł padzialiŭsia na Reddit. Mužčyna chacieŭ achviaravać 150 dalaraŭ dabračynnaj arhanizacyi, jakaja dapamahaje haładajučym u Banhładeš. Adnak u poli ŭvodu sumy jon pamyłkova ŭpisaŭ 15 041 dalar.
Pakul mužčyna zajmaŭsia admienaj płaciažu, kiraŭnictva fondu paśpieła zaŭvažyć nievierahodna ščodry danat.
Paśla taho Majkłu pačali dasyłać sotni fatahrafij z padziakami. Adzin čałaviek navat dasłaŭ videa na Facebook, dzie dziasiatki biednych i hałodnych ludziej trymajuć pakiety ź ježaj i tablički ź imiem ščodraha donara.
Kali mužčynu viarnuli hrošy, jon vyrašyŭ znoŭ achviaravać, hetym razam 1 500 dalaraŭ. Ale historyja ŭžo pačała virusicca: ludzi z usiaho śvietu stali pieravodzić hrošy na karyść fondu.
U vyniku dabračynnaja arhanizacyja atrymała 36,5 tysiačy dalaraŭ zamiest 26 tysiač, jakija byli pieršapačatkovaj metaj.
Kamientary