Handbolny kłub «Viciaź», jaki ŭ 2020 hodzie zastaŭsia z narodam, viartajecca ŭ hulniu
Handbolny kłub «Viciaź», jaki ŭ 2020 hodzie faktyčna vymušany byŭ spynić isnavańnie z-za taho, što jahonyja kiraŭniki i hulcy stali na bok naroda padčas masavych pratestaŭ suprać režymu, zajaviŭ «ab viartańni na handbolnuju placoŭku paśla časovaha pierapynku».
Kłub paviedamiŭ: «Na hety momant my viadziom pieramovy z aficyjnymi pradstaŭnikami Fiederacyi handboła Litvy i Litoŭskaj handbolnaj lihaj ab tym, kab naš kłub dapuścili da ŭdziełu ŭ čempijanacie Litvy pa handbole».
A taksama zapeŭnivaje: «Padčas paŭzy my niastomna pracavali nad tym, kab HK «Viciaź» viarnuŭsia na placoŭku bolš mocnym i kankurentazdolnym».
Taksama «Viciaź» vykazaŭ ščyruju padziaku viernym zaŭziataram, jakija padtrymlivali kłub padčas jaho časovaj adsutnaści, a taksama padziakavaŭ usim sponsaram i partnioram, ź jakimi jon supracoŭničaŭ u minułym, i vykazaŭ zacikaŭlenaść va ŭvajemavyhadnym supracoŭnictvie z novymi. «Razam my budziem zdolnyja pabudavać mocny kłub, jaki stanie abjadnalnaj adzinkaj biełarusaŭ», — upeŭnienyja handbalisty.
«Zaprašajem usich amataraŭ handboła, amataraŭ sportu i pradstaŭnikoŭ miedyja stać śviedkami našaha zachaplalnaha viartańnia. Sačycie za abnaŭleńniami našaha raskładu, abjavami kamandaŭ i inšymi cikavymi navinami — padpišyciesia na nas u sacyjalnych sietkach», — zaprašaje «Viciaź», pakidajučy svaje kaardynaty ŭ telehramie, instahramie i fejsbuku.
Kłub «Viciaź» byŭ zasnavany ŭ 2012 hodzie ŭ Minsku. U 2020 hodzie jaho kiraŭnictva i spartsmieny padtrymali narodnyja pratesty, a 30 vieraśnia admovilisia vychodzić na matč suprać mahiloŭskaha «Mašeki», pratestujučy suprać zatrymańnia baskietbalistki Aleny Leŭčanki. Tady kamandzie było zaličana techničnaje paražeńnie, a paźniej jana ŭvohule była źniataja z turniru.
«Na matčy chadziła 50 čałaviek, a ciapier 4000». Jak biełarusy pieraradzili futbolnuju kamandu na Kipry i zrabili jaje čempijonam i ekanamičnym pośpiecham
Vosiem miesiacaŭ tamu partał «Trybuna» zapuściŭ biełaruskamoŭnuju viersiju. Vyniki natchnialnyja
Kandraćjeva zvolnili z pasady hałoŭnaha treniera zbornaj
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary