U Babrujsku znoŭ asudzili stryječnaha brata bajca pałka Kalinoŭskaha i dadali jašče paŭhoda kałonii
U sudzie Babrujskaha rajona i horada Babrujska 4 lipienia praciahvaŭsia zakryty sud nad palitźniavolenym Siarhiejem Frančukom. Hetym razam jaho abvinavacili ŭ abrazie Alaksandra Łukašenki pavodle č. 1 art. 368 Kryminalnaha kodeksa, piša «Viasna».
Spravu razhladała sudździa Volha Sierakova.
Novy sud nad Frančukom pačaŭsia jašče ŭ mai, adnak u pracesie byŭ abvieščany pierapynak da momantu razhladu jahonaj apielacyjnaj skarhi na papiaredni prysud. Kasacyjnaja skarha Siarhieja, jakaja była razhledžanaja ŭ Viarchoŭnym sudzie, zastałasia biez zadavalnieńnia, a pryhavor Minskaha haradskoha suda ad 27 krasavika 2023 hoda — bieź źmien.
Siarhiej Frančuk, stryječny brat pradstaŭnika pałka Kastusia Kalinoŭskaha Vadzima Kabančuka, byŭ zatrymany 9 žniŭnia 2022 hoda. Viadoma, što jaho zabrali z kvatery baćkoŭ u Babrujsku, dzie mužčyna žyŭ apošnim časam. U hety dzień baćki Siarhieja byli na leciščy i piać čałaviek ź minskaha AMAPa ŭvarvalisia ŭ kvateru, udaryli jaho pistaletam pa hałavie, praviali vobšuk, zabrali mabilny telefon, noŭtbuk i samoha Siarhieja Frančuka.
Siarhiej Frančuk 27 krasavika byŭ asudžany Minskim haradskim sudom na try hady kałonii ahulnaha režymu pa šerahu pratesnych artykułaŭ.
Da pieršaha prysudu terminam u try hady pazbaŭleńnia voli Frančuku dadali jašče paŭhoda. U vyniku — try z pałovaj hady pazbaŭleńnia voli ŭ kałonii va ŭmovach ahulnaha režymu.
-
Łukašenka nie pryjechaŭ na śviatkavańnie Dnia dziaržaŭnaj simvoliki — zamiest siabie adpraviŭ Turčyna
-
«Łukašenka sakretna vyzvaliŭ «firmu» syna ad vypłaty padatkaŭ». Belpol vypuściŭ rasśledvańnie pra Prezidencki spartyŭny kłub
-
Volha Łojka prapanavała «zakon Cichanoŭskaj» dla čynoŭnikaŭ i patłumačyła, što heta takoje
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary