Dałaj-łama prydumaŭ, jak vyznačyć sabie namieśnika i abchitryć Kitaj
Zhodna z tradycyjaj Tybieta, duša starejšaha budyjskaha manacha paśla śmierci pieraŭvasablajecca ŭ ciele dziciaci.
Dałaj-łama zajaviŭ, što stvoranaj im niekamiercyjnaj arhanizacyi naležyć vyklučnaje prava vyznačać, chto zojmie jaho miesca paśla jaho śmierci. Takim čynam Dałaj-łama adchiliŭ zajavy Kitaja ab tym, što ŭrad u Piekinie sam abiare pierajemnika budyjskaha lidara Tybieta, piša Bi-bi-si.
Dałaj-łama, łaŭreat Nobieleŭskaj premii miru, vystupiŭ z hetaj zajavaj padčas Tydnia śviatkavańnia svajho dnia naradžeńnia — u niadzielu jamu spaŭniajecca 90 hadoŭ.
«Ja paćviardžaju, što Instytut Dałaj-łamy budzie padoŭžany», — skazaŭ jon u videazvarocie da prysutnych u Dcharamsale, horadzie la padnožža Himałajaŭ na poŭnačy Indyi.
I dadaŭ, što niekamiercyjny fond Gaden Phodrang Trust, stvorany im dla padtrymki i zachavańnia tradycyj i Instytuta Dałaj-łamy, maje vyklučnaje prava vyznačać jaho budučyniu paśla kansultacyj z kiraŭnikami budyjskich tradycyj Tybieta.
«Jany pavinny pravieści pracedury pošuku i pryznańnia ŭ adpaviednaści sa staražytnaj tradycyjaj… nichto inšy nie maje prava ŭmiešvacca ŭ hetaje pytańnie», — skazaŭ Dałaj-łama.
Vysokapastaŭleny čynoŭnik fondu Samdonh Rynpoče paviedamiŭ žurnalistam, što Dałaj-łama pačuvajecca dobra i pakul nie daŭ piśmovych instrukcyj pa pierajemnaści. Pavodle jaho, pierajemnik moža być luboha połu i nie abaviazkova tybietcam.
«Ja pakinu vyraznyja piśmovyja instrukcyi z hetaj nahody. Majcie na ŭvazie, što, akramia reinkarnacyi, pryznanaj takimi zakonnymi mietadami, nie varta pryznavać abo prymać kandydata, abranaha ŭ palityčnych metach kim-niebudź, u tym liku ŭ Kitajskaj Narodnaj Respublicy», — havorycca na sajcie Dałaj-łamy.
«Jany pavinny pravieści pracedury pošuku i pryznańnia ŭ adpaviednaści sa staražytnaj tradycyjaj… nichto inšy nie maje prava ŭmiešvacca ŭ hetaje pytańnie», — skazaŭ Dałaj-łama.
Raniej Dałaj-łama papiaredžvaŭ, što linija duchoŭnych lidaraŭ Tybieta moža pierapynicca ź jaho śmierciu, tamu miljony budystaŭ ŭspryniali jaho novuju zajavu z palohkaj.
U sieradu aficyjny pradstaŭnik Ministerstva zamiežnych spraŭ Kitaja Maa Nin znoŭ zajaviŭ, što asoba pierajemnika, jaki pavinien naradzicca ŭ Kitai, pavinna być adobrana ŭradam u Piekinie.
Piekin ličyć Dałaj-łamu, jaki ŭciok z Tybietu ŭ Indyju ŭ 1959 paśla niaŭdałaha paŭstańnia suprać kitajskaha praŭleńnia, sieparatystam.
Indyja dała prytułak jamu i bolš čym 100 tysiač biežancaŭ Tybieta. Deli, kab paźbiehnuć dypłamatyčnych nastupstvaŭ i napružanaści ŭ adnosinach z Kitajem, niajaŭna padtrymlivaje aŭtanomiju Tybieta, ale adkryta abaraniaje prava Dałaj-łamy praciahvać svaju duchoŭnuju dziejnaść u Indyi.
U sakaviku 2025 hoda 46 indyjskich parłamientaryjaŭ padpisali dekłaracyju, jakaja paćviardžaje vyklučnaje prava Dałaj-łamy na vybar svajho pierajemnika i adchilaje ŭmiašańnie Kitaja ŭ hety praces.
Zhodna z tradycyjaj Tybieta, duša starejšaha budyjskaha manacha paśla śmierci pieraŭvasablajecca ŭ ciele dziciaci.
14-y Dałaj-łama, jaki naradziŭsia 6 lipienia 1935 hoda ŭ sialanskaj siamji ŭ pravincyi Cynchaj pad imiem Łchama Tchondup, pryznany reinkarnacyjaj u dvuchhadovym uzroście. Na sajcie Dałaj-łamy havorycca, što śpiecyjalnaja hrupa, adpraŭlenaja ŭradam Tybieta, pryniała toje rašeńnie na padstavie niekalkich prykmiet, u tym liku bačańnia, jakoje źjaviłasia adnamu z starejšych manachaŭ.
Manachi pierakanalisia ŭ svaim vybary, kali malania pakazała na rečy 13-ha Dałaj-łamy sa słovami: «Heta majo, heta majo».
Uzimku 1940 hoda Łchama Tchondup byŭ dastaŭleny ŭ Patału, pałac u Łchasie, stalicy sučasnaha aŭtanomnaha rajona Tybieta, i aficyjna abvieščany duchoŭnym lidaram.
Tybiecki parłamient u vyhnańni, jaki bazujecca, jak i sam Dałaj-łama, u himałajskim horadzie Dcharamsała, zajaŭlaje, što stvorana sistema, jakaja dazvalaje ŭradu ŭ vyhnańni praciahvać svaju pracu, a supracoŭniki fondu Gaden Phodrang buduć adkazvać za pošuk i pryznańnie jaho pierajemnika.
Ciapierašni Dałaj-łama stvaryŭ fond u 2015 hodzie dla zachavańnia i padtrymańnia tradycyj i Instytuta Dałaj-łamy ŭ dačynieńni da jaho relihijnych i duchoŭnych abaviazkaŭ, na jaho sajcie. U vysokapastaŭlenych čynoŭnikaŭ fondu ŭvachodziać niekalki jaho pamočnikaŭ.
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim23
Kamientary
Aby tolki pa čarzie, a nie ŭsie razam)