U ZŠA prybiralnik vypadkova źniščyŭ 25 hadoŭ navukovaj pracy. Jamu pahražaje vielizarny štraf
«Ja nie pabačyŭ, bo prosta vyklučyŭ łabaratornaje abstalavańnie z-za pisku, jaki mianie razdražniaŭ».
U łabaratoryi Politechničnaha instytuta Rensielera jašče ŭ 2020 hodzie adbyŭsia skandał. Časopis The Times Union sa spasyłkaj na sudovy pazoŭ paviedamlaje, što prybiralnik vypadkova adklučyŭ abstalavańnie, pry dapamozie jakoha ciaham niekalkich dziesiacihodździaŭ pravodzilisia navukovyja daśledavańni. Ciapier univiersitet padaŭ u sud na klininhavuju kampaniju, dzie pracavaŭ hety supracoŭnik.
Zhodna z abvinavačańniem, prybiralnik adklučyŭ zvyšchałodnuju marazilnuju kamieru ŭ łabaratoryi instytuta, dzie na praciahu 25 hadoŭ pry tempieratury minus 80°C zachoŭvalisia kletačnyja kultury i važnyja navukovyja proby. U časopisie ŭdakładnili, što niezadoŭha da incydentu ŭ pracy marazilnaj kamiery zdaryŭsia zboj, pra što jana pačała paviedamlać hučnymi sihnałami tryvohi. Tady daśledčyki paprasili piersanał nie čapać abstalavańnia, vyviesiŭšy śpiecyjalnuju tabličku z papiaredžańniem.
Ale, niahledziačy na papiaredžańni supracoŭnikaŭ łabaratoryi ab zabaronie adklučać abstalavańnie, adzin z prybiralnikaŭ usio ž vyklučyŭ marazilnik z-za jaho pisku. Nastupnaj ranicaj navukoŭcy vyjavili, što bolšaja častka kaštoŭnych navukovych materyjałaŭ była źniščanaja praz rezki rost tempieratury da minus 32°C.
«Usiamu vinoj pavodziny i chałatnaść ludziej. Na žal, byli źniščanyja 25 hadoŭ surjoznych daśledavańniaŭ, i niemahčyma ich vyratavać. Suma ŭsioj škody skłała 1 miljon dalaraŭ», — zajaviŭ advakat instytuta.
Stračanyja materyjały ŭklučali ŭ siabie važnyja daśledavańni fotasintezu i pracy soniečnych batarej. Instytut padaŭ pazoŭ na kampaniju, u jakoj pracavaŭ prybiralnik. Padčas dopytu ŭ palicyi mužčyna zajaviŭ, što jon padumaŭ, što nasamreč uklučyŭ, a nie vyklučyŭ marazilnuju kamieru.
Ciapier čytajuć
Načalnik kryminalnaha vyšuku MUS bačyŭ prahułačny dvoryk SIZA KDB z akna svajho kabinieta, a potym sam staŭ viaźniem1
Kamientary