U Hamburhu biełarusa zatrymali pa spravie ab kradziažy z uzłomam
U niamieckim Hamburhu zatrymali 24-hadovaha biełarusa i 33-hadovaha niemca pa padazreńni va ŭzłomie i kradziažy hrošaj i kaštoŭnaściaŭ z pryvatnaha doma. Pra heta paviedamlaje sajt «Biełaruś i śviet» sa spasyłkaj na miascovuju palicyju.
Złačynstva adbyłosia jašče 8 žniŭnia 2022 hoda ŭ adnym z bahatych kvartałaŭ Hamburhu — Folksdorfie, na vulicy Vitraje. Dvoje nieviadomych pranikli ŭ žyllo praź dźviery padvała i ababrali jaho. Adnak ich dziejańni zafiksavała kamiera nazirańnia. Paźniej byŭ abvieščany vyšuk, apublikavanyja fota i apisańnie źniešnaści pravaparušalnikaŭ.
A ranicaj 5 lipienia 2023 hoda padazravanych zatrymali. U tym liku było vydadziena 4 ordary na pieratrus: žyllo abodvuch mužčyn u kvartałach Barenfield i Chochienfielde, a taksama baćkoŭskaha doma biełarusa ŭ kvartale Łurup i doma siabroŭki niemca ŭ horadzie Piniebierh, ziamla Šleźvih-Halštejn.
U chodzie apieracyi syščyki znajšli mnostva dokazaŭ. U žylli 33-hadovaha mužčyny jany taksama kanfiskavali narkotyki ŭ vialikaj kolkaści i kala 3 tysiač jeŭra, jak miarkujecca, atrymanych ad abarotu psichatropaŭ.
Rasśledavańnie, u pryvatnaści acenka kanfiskavanych dokazaŭ, praciahvajecca. Akramia taho, praviarajecca, ci mohuć padazravanyja być adkaznymi za inšyja kradziažy z uzłomam. U dačynieńni da niemca raspačali taksama spravu pa padazreńni ŭ handli narkotykami.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary