У нямецкім Гамбургу затрымалі 24-гадовага беларуса і 33-гадовага немца па падазрэнні ва ўзломе і крадзяжы грошай і каштоўнасцяў з прыватнага дома. Пра гэта паведамляе сайт «Беларусь і свет» са спасылкай на мясцовую паліцыю.
Злачынства адбылося яшчэ 8 жніўня 2022 года ў адным з багатых кварталаў Гамбургу — Фольксдорфе, на вуліцы Вітрае. Двое невядомых праніклі ў жыллё праз дзверы падвала і абабралі яго. Аднак іх дзеянні зафіксавала камера назірання. Пазней быў абвешчаны вышук, апублікаваныя фота і апісанне знешнасці правапарушальнікаў.
А раніцай 5 ліпеня 2023 года падазраваных затрымалі. У тым ліку было выдадзена 4 ордары на ператрус: жыллё абодвух мужчын у кварталах Барэнфельд і Хохенфельдэ, а таксама бацькоўскага дома беларуса ў квартале Луруп і дома сяброўкі немца ў горадзе Пінеберг, зямля Шлезвіг-Гальштэйн.
У ходзе аперацыі сышчыкі знайшлі мноства доказаў. У жыллі 33-гадовага мужчыны яны таксама канфіскавалі наркотыкі ў вялікай колькасці і каля 3 тысяч еўра, як мяркуецца, атрыманых ад абароту псіхатропаў.
Расследаванне, у прыватнасці ацэнка канфіскаваных доказаў, працягваецца. Акрамя таго, правяраецца, ці могуць падазраваныя быць адказнымі за іншыя крадзяжы з узломам. У дачыненні да немца распачалі таксама справу па падазрэнні ў гандлі наркотыкамі.
Цяпер чытаюць
Мінск сёння вечарам пагрузіўся ў цемру. Пасля загаду Лукашэнкі37
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары