Źmitra Daškieviča pieravieźli ŭ žodzinskaje SIZA, što robić mahčymym pasyłać jamu pieravody i banderoli
Pra toje, što Źmicier Daškievič ciapier u žodzinskim SIZA, paviedamiła ŭ sacyjalnych sietkach jahonaja žonka, Nasta Daškievič.
«Ja nie viedaju, navošta jašče ŭsie hetyja pryhody. Navošta pazbaŭlać čatyroch dziaciej taty. My cicha adsiedzieli svoj ciažki termin, spaŭna spłacili svajo. I addali navat bolej, čym mahli», — napisała Nasta, padaŭšy taksama cytatu ź lista ad muža.
«U niejki čas ja pačaŭ usprymać kachańnie jak naležnaje i toje, što samo saboju maje być. A jano nie naležnaje — heta padarunak Nieba, śviaty dar, jaki treba bierahčy i šanavać. I jano nie samo saboju maje być — kachańnie treba ačyščać ad pustaziella, ziernie kachańnia treba źbirać aščadna, praviejvać i rabić muku, kab štoranak piačy ź jaje bułačku dla svajoj kachanaj!
I voś ja tut — u hetym žachu. I zhareła ŭsio pustazielle, i kamiani navat pałopalisia ad piekła, jakoje ja prachodžu, i stalisia pyłam, a ziernie kachańnia ŭzychodzić, i kałasuje, i chutka daść płod stakroć.
I ja śpiaku tabie i vam bahata smačnych bułačak, jakija buduć rastavać u vusnach vašych! Ja budu piačy ich vam kožny ranak».
U lipieni minułaha hoda Źmitru Daškieviču prysudzili 1,5 hoda kałonii. Vyzvalicca jon mieŭ učora, 11 lipienia, ale jaho, vypuściŭšy, adrazu ž zatrymali znoŭ, adkryŭšy novuju kryminalnuju spravu za «niepadparadkavańnie administracyi».
Hrašovyja pieravody i banderolki Źmitru Daškieviču možna dasyłać na adras: h. Žodzina, vuł. Savieckaja 22A, Turma N8, 222160.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1818
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes18
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary