Jubilejnaje voziera ŭ Hrodnie źmianiła koler. Zamiest amal błakitnaha koleru vady adpačyvalnikaŭ sustrakaje niešta padobnaje da zialonki. Možna jašče paraŭnać vadu ŭ voziery sa šklankaj, dzie pamyli pendzal paśla vykarystańnia zialonaj huašy abo akvareli, jak piša Newgrodno.by.
Takoje pieratvareńnie źviazanaje ź ćvicieńniem vady. Heta pryrodnaja źjava, vyklikanaje raźvićciom fitapłanktonu. U vadzie paprostu razmnožvajucca ŭ vielizarnaj kolkaści mikraskapičnyja vodaraści, jakija i nadajuć joj peŭny koler.
Ćvicieńnie čaściej za ŭsio pačynajecca na fonie haračaj tempieratury, taksama važna, kab u vadzie była dastatkovaja kolkaść pažyŭnych rečyvaŭ dla vodaraściaŭ.
Ci niebiaśpiečna ćvicieńnie dla čałavieka? Čaściej za ŭsio nie. A voś ryby i inšyja vodnyja nasielniki mohuć paciarpieć. Bo ćvicieńnie zdolnaje vyklikać niedachop kisłarodu ŭ vadzie.
Na Jubilejnym voziery kupańnie zabaronienaje. Zabarona ź ćvicieńniem nijak nie źviazanaja. Proby vady nie adpaviadali normam jašče da taho, jak voziera «pazielanieła».
Zrešty, kupacca ŭ takoj vadzie nie vielmi pryjemna navat z estetyčnaha punktu hledžańnia. Ćvicie vada zvyčajna nie vielmi praciahły čas. Praz tydzień-druhi voziera pavinna pryjści ŭ normu.
Ciapier čytajuć
Hamielčuka vyzvalili ad adkaznaści za ŭdzieł u pratestach praz toje, što ŭžo prajšło piać hadoŭ. Heta taki pieršy viadomy vypadak1
Kamientary