U Mahilovie ŭ niadzielu adkryjuć miemaryjalnuju šyldu Barysu Maisiejevu
Abviestki pra toje, što ŭ hetu niadzielu budzie adkrytaja miemaryjalnaja šylda ŭ honar pamierłaha ŭ minułym hodzie ŭradženca Mahilova, źjavilisia na padjezdach niekatorych damoŭ abłasnoha centra.
Jak vynikaje z abviestki, adkryvać šyldu buduć 16 lipienia a 12-j hadzinie na adrasie vuł. Čaluskincaŭ, 54. Dziela hetaj nahody ŭ Mahiloŭ vybierucca i niejkija estradnyja zorki, jakija akurat hetymi dniami hulajuć na «Słavianskim bazary» ŭ Viciebsku.
Barys Maisiejeŭ — rasijski tancoŭščyk i estradny śpiavak, jaki prasłaviŭsia dziakujučy epatažnym manieram. Mahiloŭ — jaho radzima, u Biełarusi jon pravioŭ dziacinstva i rańniuju maładość. A pamior Maisiejeŭ 27 vieraśnia minułaha hoda na 69-m hodzie žyćcia ŭ Maskvie.
Pra toje, što na radzimie na domie, dzie jon žyŭ, źbirajucca raźmiaścić pamiatnuju šyldu, zahavaryli litaralna adrazu paśla śmierci śpievaka. I, jak vidać, zadumu imhnienna pieratvaryli ŭ žyćcio.
Tearetyčna pieraškodaj mahli b stać praviły ŭstalavańnia miemaryjalnych znakaŭ nie raniej za peŭny termin paśla śmierci asoby. U Mahilovie hety termin — 5 hadoŭ paśla śmierci znakamitaha čałavieka. Kali b havorka išła pra jakoha-niebudź nacyjanalna aryjentavanaha kulturnaha dziejača, to na hetyja praviły b i spasyłalisia.
U toj ža čas viadoma, što kali ŭ idei jość vysokapastaŭlenyja zastupniki, to ŭ Biełarusi na farmalnyja abmiežavańni hladziać skroź palcy.
Ciapier čytajuć
Połk Kalinoŭskaha paviedamiŭ pra hibiel troch bajcoŭ5
Kamientary