Pad hetaj nazvaj u «Źviaździe» (17.10.09) byŭ nadrukavany artykuł na temu šmathadovaha zabrudžvańnia pavietra ŭ Minsku radyjatarnym zavodam, ci jak ciapier jon nazyvajecca AAT «Minski zavod aciaplalnaha abstalavańnia».
Redakcyja atrymała adkazy:
Ad namiesnika ministra pryrodnych resursaŭ i achovy navakolnaha asiarodździa H.V. Vałčuhi.
Jana pahadžajecca z tym, što niahledziačy na šerah zachadaŭ prablema zabrudžvańnia atmaśfiernaha pavietra zavodam isnuje. Choć užo i zroblena niamała. Naprykład, pa prapanovie ministerstva i rekamiendacyjach Biełaruskaha nacyjanalnaha techničnaha ŭniviersiteta na pradpryjemstvie pačynajučy z 1990‑ch hadoŭ praviedziena niekalki madernizacyj i rekanstrukcyj. Heta dazvoliła skaracić vykidy zabrudžvalnych rečyvaŭ bolš čym na 500 ton.
Na dumku namiesnika ministra, vyrašyć hetu nadzionnuju dla žycharoŭ damoŭ, jakija znachodziacca ŭ zonie ŭździejańnia zavoda, moža adna z nastupnych mieraŭ:
‑ rekanstrukcyja liciejnaj vytvorčasci z zamienaj adkrytych vahranak liciejnaha cecha radyjataraŭ na vahranku zakrytaha typu i vahranak liciejnaha cecha katłoŭ, liciejnaha cecha koŭkaha i šeraha čyhuna na indukcyjnyja piečy z madernizacyjaj hazaačyščalnaha abstalavańnia;
‑ rekanstrukcyja liciejnaj vytvorčasci z zamienaj usich vahranak na indukcyjnyja piečy z madernizacyjaj hazaačyščalnaha abstalavańnia;
‑ vynas vytvorčasci čyhunaliciejnych radyjataraŭ za miežy horada.
Namiesnik ministra paviedamiła, što halinovym płanam mierapryjemstvaŭ pa racyjanalnym vykarystanni pryrodnych resursaŭ i achovy navakolnaha asiarodździa Ministerstva pramysłovasci i Płanam dziejańniaŭ pa racyjanalnym vykarystanni pryrodnych resursaŭ i achovy navakolnaha asiarodździa na 2006—2010 hady pa Minsku ŭ liciejnym cechu radyjataraŭ, jaki robić asnoŭny ŭniosak u zabrudžvańnie atmaśfiernaha pavietra stalicy, praduhledžana budaŭnictva vahranki zakrytaha typu z vysokaefiektyŭnym hazaačyščalnym abstalavańniem. Ciapier raspracoŭvajecca prajektna‑kaštarysnaja dakumientacyja.
Namiesnik ministra taksama paviedamlaje, što Hienieralnym płanam razvićcia Minska vynas liciejnaj vytvorčasci čyhunaliciejnych radyjataraŭ nie praduhledžany.
Razam z tym, jak vynikaje z reahavańnia, Minpryrody sumiesna z Minpramysłovasci, Minharvykankamam i kiraŭnictvam AAT «Minski zavod aciaplalnaha abstalavańnia» praciahvajuć pošuk varyjantaŭ dla vyrašeńnia składanaj situacyi pa minimizacyi i papiaredžvanni vykidaŭ zabrudžvalnych rečyvaŭ u atmaśfiernaje pavietra.
Ad pieršaha namiesnika kiraŭnika administracyi Frunzienskaha rajona stalicy A.A. Łukaševiča. Choć redakcyja publikacyju na reahavańnie nakiravała ŭ Minharvykankam.
A.A. Łukaševič davoli padrabiazna paviedamlaje historyju pytańnia, ale ŭ kancy reahavańnia adznačaje, što sanepidstancyi ŭ metach palapšeńnia ekałahičnaj situacyi ŭ Minsku vyjšli z prapanovaj razhledzieć roznyja varyjanty vyrašeńnia prablemy, u tym liku i vynas AAT «Minski zavod aciaplalnaha abstalavańnia» za miežy horada.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary