«Sudździa byŭ trochi ŭ šoku». Viarchoŭny sud likvidavaŭ partyju «Zialonyja»
Na pasiadžeńni 27 lipienia Viarchoŭny sud zadavoliŭ pazoŭ Ministerstva justycyi i likvidavaŭ Biełaruskuju partyju «Zialonyja», paviedamlaje «Pozirk» na padstavie śviedčańnia krynicy ŭ partyi.
«Heta byŭ u niejkaj stupieni histaryčny praces, tamu što na im była papka z dakumientami pačynajučy z 1994 hoda», — adznačyła krynica «Pozirka».
Pavodle surazmoŭcy, padčas pracesu supracoŭnik Ministerstva justycyi biez dadatkovaj prośby z boku suda nahadaŭ, što ŭ 2020 hodzie viedamstva vyniesła partyi papiaredžańnie paśla padpisańnia supolnaha zvarotu partyj suprać hvałtu.
«Pradstaŭniki Miniusta sami hety dakumient dadali ŭ ahulnuju spravu. Sudździa byŭ trochi ŭ šoku», — raspaviała krynica.
Jak adznačyŭ surazmoŭca, u sudzie pradstaŭniki partyi spasyłalisia na parušeńnie pracedury pierarehistracyi: pradstaŭleny partyjaj u Miniust pakiet dakumientaŭ byŭ zarehistravany jak zvarot hramadzian. U vyniku sprava nie była vyniesienaja na kalehiju viedamstva, «faktyčna adzin čynoŭnik pryniaŭ rašeńnie pra padaču pazovu ŭ Viarchoŭny sud».
Taksama ŭ partyi źviarnuli ŭvahu suda na toje, što papraŭki ŭ zakon ab partyjach supiarečać Kanstytucyi:
«Ludzi, jakija vyjechali za miežy Biełarusi, usio ž zastajucca hramadzianami krainy, ale, zhodna sa źmienami ŭ zakanadaŭstvie, partyi faktyčna pavinny pazbaŭlać ich členstva».
Viarchoŭny sud adchiliŭ zaŭvahu partyi, arhumientavaŭšy heta tym, što akaličnaści nie ŭpłyvajuć na kolkaść členaŭ partyi.
Pradstaŭniki partyi taksama źviarnuli ŭvahu na supiarečnaść patrabavańnia Ministerstva justycyi pradstaŭlać śpis členaŭ partyi zakonu «Ab abaronie piersanalnych danych».
U svaju čarhu, pradstaŭnik Miniusta zajaviŭ ab nieadpaviednaści kolkaści členaŭ «Zialonych» minimalna nieabchodnaj (5 tysiač zamiest 1 tysiačy paśla ŭniasieńnia źmienaŭ u zakanadaŭstva).
Ciapier čytajuć
Azaraŭ zakryŭ płan «Pieramoha» i pieravioŭ usich udzielnikaŭ u rezierv16
Azaraŭ zakryŭ płan «Pieramoha» i pieravioŭ usich udzielnikaŭ u rezierv
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3232
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie32
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1111
Kamientary