Žłobin: śledam za mužam za ŭdzieł u akcyjach pratestu asudzili žonku
Sud Žłobinskaha rajona pakaraŭ jašče adnu ŭdzielnicu paślavybarčaj masavaj akcyi pratestu 2020 hoda.
Palinu Kib abvinavacili pavodle č. 1 art. 342 KK za arhanizacyju i padrychtoŭku dziejańniaŭ, što hruba parušajuć hramadski paradak, albo aktyŭnym udziele u ich, piša «Viasna».
Palinu zatrymali 14 sakavika i źmiaścili da suda pad vartu.
Sudovy praces pačaŭsia 21 červienia, adnak sudździa Śviatłana Andrejeva ź nieviadomaj pakul pryčyny adkłała razhlad kryminalnaj spravy da 14 lipienia.
Pavodle materyjałaŭ abvinavačvańnia, Palina ŭviečary 9 žniŭnia 2020 hoda, razam z mužam dy inšymi asobami «ŭziała aktyŭny ŭdzieł u hrupavych dziejańniach, spałučanych ź vidavočnym niepadparadkavańniem zakonnym patrabavańniam pradstaŭnikoŭ ułady, spałučanych z naŭmysnaj pieraškodaj ruchu transpartu i narmalnamu funkcyjanavańniu pradpryjemstvaŭ i arhanizacyj».
Sud pryznačyŭ Palinie Kib pakarańnie ŭ vyhladzie paŭtara hadoŭ chatniaj chimii.
A 10 krasavika 2023 hoda taksama byŭ asudžany jaje muž, Dźmitryj Kib.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja30
Kamientary