Z 2020 hoda ŭ Biełarusi likvidavali nie mienš za 1372 niekamiercyjnyja arhanizacyi — pravaabaroncy
Za pieryjad paśla prezidenckich vybaraŭ 2020 hoda i da kanca lipienia 2023-ha hramadski siektar Biełarusi straciŭ nie mienš za 1372 niekamiercyjnyja arhanizacyi (NKA) — abjadnańni, prafsajuzy, fondy, niedziaržaŭnyja ŭstanovy i asacyjacyi, havorycca ŭ ahladzie pravaabarončaj arhanizacyi Lawtrend.
Dla paraŭnańnia: u kancy červienia naličvałasia 1337 likvidavanych NKA, u kancy maja — 1315, krasavika — 1283, sakavika — 1249, u kancy śniežnia 2022 hoda — 1173, listapada — 1102, kastryčnika — 1057, vieraśnia — 1020.
Pavodle infarmacyi pravaabaroncaŭ, na kaniec lipienia nie mienš jak 880 niekamiercyjnych arhanizacyj (854 na kaniec červienia, na kaniec maja — 845) znachodziłasia ŭ pracesie likvidacyi z ulikam padadzienych pazoŭnych zajaŭ ab prymusovaj likvidacyi ŭ sud, prymusovaha vyklučeńnia z Adzinaha dziaržaŭnaha rehistra jurydyčnych asob i indyvidualnych pradprymalnikaŭ.
Kolkaść arhanizacyj, jakija pryniali rašeńnie ab samastojnaj likvidacyi, rehularna pavialičvajecca. Na kaniec lipienia takich było 492 (pa vynikach červienia — 483, maja — 470, krasavika — 459, sakavika — 470, śniežnia 2022-ha — 416).
Jak i raniej, rašeńnie ab samalikvidacyi prymajecca pierš za ŭsio z pryčyny cisku na siabroŭ i supracoŭnikaŭ NKA, niespryjalnaha pravavoha asiarodździa, ahulnaj hramadska-palityčnaj situacyi ŭ krainie, adznačajecca ŭ ahladzie.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary