Biełaruskija siłaviki dapamahli nielehałam trapić u Łatviju — DPSŁ
Pavodle paviedamleńnia pres-centra Dziaržaŭnaj pamiežnaj słužby Łatvii (DPSŁ), u minułuju niadzielu čaćviora nielehałaŭ niezakonna pierasiekli łatvijska-biełaruskuju miažu pry padtrymcy pradstaŭnikoŭ biełaruskich uład, piša Delfi.lv.
Jak adznačajuć u DPSŁ, 6 žniŭnia, ažyćciaŭlajučy nazirańnie za miažoj z dapamohaj techničnych srodkaŭ, pamiežniki zaŭvažyli niekalkich asob, jakija niezakonna pierasiekli zaharodu i prabralisia ŭ Łatviju.
U dziaržsłužbie pamiežnaj achovy śćviardžajuć, što nielehałam dapamahli praleźci praz płot pradstaŭniki biełaruskich uład, jakija spačatku prarabili adtulinu ŭ aharodžy, a zatym jaje zakryli, kab mužčyny nie zmahli viarnucca nazad u Biełaruś.
Na łatvijskim baku ŭsie parušalniki miažy byli zatrymanyja, a zatym viernutyja ŭ Biełaruś.
Dva hady tamu, 10 žniŭnia 2021 hoda, urad Łatvii pryniaŭ rašeńnie abviaścić režym nadzvyčajnaj situacyi ŭ Łudzienskim i Krasłaŭskim krajach, a taksama ŭ Daŭhaŭpiłsie. Režym pradaŭžali niekalki razoŭ, apošni raz jaho praciahnuli da 10 žniŭnia hetaha hoda.
Kamientary