Z-za ŭkrainskich udaraŭ pa Krymskim moście i Navarasijskim porcie ŭ Rasii prablemy z vyvazam zbožža
Rasijskija eksparciory zbožža adčuvajuć usio bolšyja składanaści z vyvazam pradukcyi za miažu paśla ŭdaraŭ Ukrainy pa Krymskim moście i Navarasijsku. Marskija terminały na Azoŭskim mory pierastali prymać novaje zbožža ad pastaŭščykoŭ z-za zapoŭnienaści ŭsich dastupnych schoviščaŭ, paviedamiŭ analityčny centra «SovEkon», piša The Moscow Times.
U vyniku pablizu azoŭskich terminałaŭ sfarmavalisia korki z čyhunačnych sastavaŭ, jakija nie mohuć razhruzicca, što pravakuje zatrymki ŭ ruchu i transpartny chaos. Amal usie mahutnaści pa zachoŭvańni zbožža zadziejničanyja, piša Bloomberg sa spasyłkaj na «SovEkon».
Kab vyjści z Azoŭskaha mora, suchahruzy pavinny pieraadoleć Kierčanski praliŭ. Ale ruch u pralivie abmiežavany paśla taho, jak ukrainskija vajskoŭcy 17 lipienia ŭdaryli pa Krymskim moście, adnaŭleńnie jakoha zamiest pieršapačatkova zajaŭlenych troch miesiacaŭ moža raściahnucca da Novaha hoda.
Udary pa Navarasijsku, hałoŭnym zbožžavym porcie, jaki absłuhoŭvaje pałovu ekspartu, jašče bolš uskładnili žyćcio rasijskim pastaŭščykam zbožža. Trejdary, marskija pieravozčyki i strachavalniki ŭsio bolš aścierahajucca pracavać z rasijskimi kontrahientami i rezka pavysili dla ich staŭki frachtu, a taksama płatu za strachavyja pasłuhi.
Strachavańnie zbožžavozaŭ, jakija iduć u Navarasijsk i Tamań, što zabiaśpiečvajuć 70% rasijskaha zbožžavaha ekspartu, kaštuje na dziasiatki tysiač dalaraŭ u dzień daražej, čym dla anałahičnych sudnaŭ, jakija iduć u Rumyniju abo Bałharyju, paviedamlaŭ Reuters sa spasyłkaj na krynicy na rynku. Heta i raniej było doraha, a paśla ŭkrainskich udaraŭ staŭki padnialisia jašče vyšej, kažuć krynicy vydańnia.
Ciapier čytajuć
Takaja bliskučaja apieracyja, ašukali samoha Trampa: parvali nam pašparty — Jarašuk1
Kamientary