З-за ўкраінскіх удараў па Крымскім мосце і Наварасійскім порце ў Расіі праблемы з вывазам збожжа
Расійскія экспарцёры збожжа адчуваюць усё большыя складанасці з вывазам прадукцыі за мяжу пасля ўдараў Украіны па Крымскім мосце і Наварасійску. Марскія тэрміналы на Азоўскім моры перасталі прымаць новае збожжа ад пастаўшчыкоў з-за запоўненасці ўсіх даступных сховішчаў, паведаміў аналітычны цэнтра «СовЭкон», піша The Moscow Times.
У выніку паблізу азоўскіх тэрміналаў сфармаваліся коркі з чыгуначных саставаў, якія не могуць разгрузіцца, што правакуе затрымкі ў руху і транспартны хаос. Амаль усе магутнасці па захоўванні збожжа задзейнічаныя, піша Bloomberg са спасылкай на «СовЭкон».
Каб выйсці з Азоўскага мора, сухагрузы павінны пераадолець Керчанскі праліў. Але рух у праліве абмежаваны пасля таго, як украінскія вайскоўцы 17 ліпеня ўдарылі па Крымскім мосце, аднаўленне якога замест першапачаткова заяўленых трох месяцаў можа расцягнуцца да Новага года.
Удары па Наварасійску, галоўным збожжавым порце, які абслугоўвае палову экспарту, яшчэ больш ускладнілі жыццё расійскім пастаўшчыкам збожжа. Трэйдары, марскія перавозчыкі і страхавальнікі ўсё больш асцерагаюцца працаваць з расійскімі контрагентамі і рэзка павысілі для іх стаўкі фрахту, а таксама плату за страхавыя паслугі.
Страхаванне збожжавозаў, якія ідуць у Наварасійск і Тамань, што забяспечваюць 70% расійскага збожжавага экспарту, каштуе на дзясяткі тысяч даляраў у дзень даражэй, чым для аналагічных суднаў, якія ідуць у Румынію або Балгарыю, паведамляў Reuters са спасылкай на крыніцы на рынку. Гэта і раней было дорага, а пасля ўкраінскіх удараў стаўкі падняліся яшчэ вышэй, кажуць крыніцы выдання.
Цяпер чытаюць
«Жэня ў нас ногі страціў». На парад у Мінск прыехалі вагнераўцы-беларусы — расказваем, хто яны15
Каментары