SBU zaviała spravu na kamunista Simanienku. Jon uciakaŭ u Rasiju praź Biełaruś
Paśla prybyćcia rasijskich śpiecnazaŭcaŭ u Bierazoŭku pad Kijevam u lutym 2022 hoda eks-nardep asabista ich sustreŭ, a zatym raskvataravaŭ va ŭłasnym domie i zabiaśpiečyŭ charčavańniem.
Kiraŭnik zabaronienaj Kamunistyčnaj partyi Ukrainy i były narodny deputat Piatro Simanienka padčas akupacyi rasijanami Kijeŭskaj vobłaści vyjechaŭ praź Biełaruś u Rasiju i tam aktyŭna padtrymlivaje ŭzbrojenuju ahresiju RF suprać Ukrainy, piša «Ukrainskaja praŭda».
Pa danych śledstva, padčas akupacyi Kijeŭščyny Simanienka źviarnuŭsia da najvyšejšaha vajskova-palityčnaha kiraŭnictva Rasii z prośbaj jaho «evakujavać».
Kab vyvieźci Simanienku ź jaho siamjoj z zachoplenaha ŭ toj čas pasiołka Bierazoŭka pad Kijevam, Kreml rasparadziŭsia nakiravać tudy atrad śpiecnaza RF.
Paśla prybyćcia rasijskich śpiecnazaŭcaŭ u Bierazoŭku eks-nardep asabista ich sustreŭ, a zatym raskvataravaŭ va ŭłasnym domie i zabiaśpiečyŭ charčavańniem.
Zatym z 4 pa 8 sakavika 2022 hoda akupacyjnaje śpiecpadraździaleńnie ažyćciaviła «supravadžeńnie» Simanienki i jaho blizkich praz rasijskija błokpasty na terytoryju Biełarusi.
Adtul jon pierajechaŭ u Rasiju, dzie byŭ pryznačany namieśnikam staršyni Centralnaha kamiteta mižnarodnaha kamunistyčnaha abjadnańnia «Sajuz kamunistyčnych partyj — Kamunistyčnaj partyi Savieckaha Sajuza». Heta prakramloŭskaja arhanizacyja, padkantrolnaja rasijskaj Kampartyi na čale ź jaje lidaram — deputatam Dziarždumy RF Hienadziem Ziuhanavym.
Mienavita pa jaho ŭkazańni Simanienka pačaŭ publičnuju kampaniju ŭ padtrymku ahresiŭnaj palityki Maskvy.
Tak, u kastryčniku 2022 hoda eks-nardep udzielničaŭ u 22-j Mižnarodnaj sustrečy kamunistyčnych i pracoŭnych partyj, jakaja prachodziła ŭ Havanie na Kubie. Padčas svajho vystupu na «forumie» Simanienka sprabavaŭ lehitymizavać zachop častki terytoryi Ukrainy i dziejnaść «Ł/DNR».
Taksama 21-22 krasavika jon udzielničaŭ u źjeździe «antyfašysckaha forumu» ŭ Minsku. Tam jon vykazvaŭsia za praciah ahresiŭnaj vajny suprać Ukrainy i apraŭdvaŭ kramloŭskija naratyvy pa ŭžyvańni taktyčnaj jadziernaj zbroi RF.
Na padstavie sabranych dokazaŭ Simanienku paviedamlena ab padazreńni pa dvuch artykułach Kryminalnaha kodeksa Ukrainy:
- č. 3 art. 109 (publičnyja zakliki da hvałtoŭnaj źmieny abo źviaržeńnia kanstytucyjnaha ładu abo da zachopu dziaržaŭnaj ułady z vykarystańniem ŚMI);
- č. 3 art. 436-2 (apraŭdańnie, pryznańnie pravamiernaj, admaŭleńnie ŭzbrojenaj ahresii RF suprać Ukrainy).
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ66
Kamientary