Łukašenka zajaviŭ, što dziaciej z Ukrainy vyvoziać na Zachad, dzie rasčlaniajuć i dastajuć orhany
Alaksandr Łukašenka padčas naviedvańnia minskaha aeraporta i Minskaha zavoda hramadzianskaj avijacyi zajaviŭ, što vyvaz dziaciej z Danbasa budzie praciahnuty, paviedamlaje jaho pres-słužba.
«Płanavali, płanujem i budziem płanavać! I nie tolki płanavać, ale budziem padtrymlivać dzietak. Vy bačycie: jany pryjazdžajuć siudy pa cišyniu. Dla ich dzika być u krainie i nie čuć hetych razryvaŭ, nie bačyć hetych śmierciaŭ, hetaha hoładu. I toje, što zachodniki sprabujuć raspačać spačatku pa Pucinie, ciapier pa mnie situacyju ŭ śviecie — ledź nie da kryminalnaj adkaznaści pryvieści — heta prosta śmiešna, ja absalutna za heta nie pieražyvaju. Naadvarot, my razumiejem, što tak treba dziejničać. Dzieci ni ŭ čym nie vinavatyja. I my damovilisia z Pucinym, što budziem finansavać hetyja pajezdki z sajuznaha biudžetu. My heta rabili i budziem rabić, niahledziačy ni na jakija paproki», — skazaŭ Łukašenka.
Jon zajaviŭ, što Zachad vyvozić dziaciej na orhany.
«Dzietak z Ukrainy vyvoziać. Rasčlaniajuć i dastajuć orhany. Voś z tymi chaj raźbiarucca».
Jon taksama pachvaliŭ Alaksieja Tałaja i jahony fond.
«Hieraičny čałaviek. Jon u asnoŭnym siudy pryvozić ludziej z abmiežavanymi mahčymaściami. Jak im nie dapamahčy? Dapamožam my siońnia ludziam — Boh heta ŭsio bačyć. Dzieści i nam dapamoža. Tamu dziaciej my budziem padtrymlivać», — padkreśliŭ Łukašenka.
***
17 sakavika Mižnarodny kryminalny sud vydaŭ ordar na aryšt Uładzimira Pucina i ŭpaŭnavažanaj pa pravach dziciaci Maryi Lvovaj-Białovaj z-za praktyki departacyi ŭkrainskich dziaciej z akupavanych terytoryj.
Ukrainskija čynoŭniki zajaŭlajuć, što ŭ Biełaruś było vyvieziena bolš za try tysiačy ŭkrainskich dziaciej.
Ciapier čytajuć
Čamu Biełarusbank rezka źniziŭ staŭki pa ipatecy i jak heta paŭpłyvaje na rynak nieruchomaści?3
Čamu Biełarusbank rezka źniziŭ staŭki pa ipatecy i jak heta paŭpłyvaje na rynak nieruchomaści?
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1212
Kamientary