Prezident Niamieččyny zhadaŭ biełaruskich palitviaźniaŭ i źviarnuŭsia da Łukašenki
Režym Alaksandra Łukašenki niasie adkaznaść za žyćcio apazicyjnych palitykaŭ Maryi Kaleśnikavaj, Maksima Znaka i inšych ludziej, jakija znachodziacca ŭ Biełarusi ŭ źniavoleńni «tolki za toje, što jany zaklikali da prava, svabody i demakratyi».
Takuju zajavu zrabiŭ prezident FRH Frank-Valter Štajnmajer, vystupajučy ŭ sieradu, 23 žniŭnia, u Bierlinie z pramovaj, pryśviečanaj mastakam, apazicyjanieram i inšym ludziam, jakija byli vymušanyja pakinuć svaju krainu z palityčnych matyvaŭ abo praz svaje pohlady apynulisia na radzimie ŭ źniavoleńni, piša Deutsche Welle.
«Siońnia ŭviečary my dumajem i pra tych, chto nie znajšoŭ vyratavańnia praz adjezd, ale padviarhajecca pieraśledu na radzimie abo znachodzicca ŭ źniavoleńni», — skazaŭ kiraŭnik hiermanskaj dziaržavy.
Štajnmajer vykazaŭsia i pra ŭmovy ŭtrymańnia palitviaźniaŭ u Biełarusi.
«My viedajem, što ŭmovy ŭtrymańnia ŭ turmie (dla Maryi Kaleśnikavaj, Maksima Znaka i inšych palityčnych źniavolenych u Biełarusi) na praciahu miesiacaŭ stanoviacca ŭsio horšymi i ŭsio bolš žorstkimi, što źniavolenyja nie atrymlivajuć dastatkovaha miedycynskaha dohladu, što jany nie majuć dostupu da advakackaj dapamohi i ŭžo niekalki miesiacaŭ nie bačyli znajomych», — dadaŭ Štajnmajer.
«Ja chaču źviarnucca z vyraznym pasłańniem u adras kiraŭnika Łukašenki: vaš režym niasie adkaznaść za žyćcio hetych ludziej. My nie advodzim pozirku. My nie zabyvajemsia na Maryju Kaleśnikavu, i Maksima Znaka, i ŭsich astatnich!» — padkreśliŭ jon.
Ciapier čytajuć
U Pieciarburhu zatrymali komika ź Pinska. Jon try hady chavaŭsia paśla prysudu za žart pra milicyjantku3
U Pieciarburhu zatrymali komika ź Pinska. Jon try hady chavaŭsia paśla prysudu za žart pra milicyjantku
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary