Hirkin-Strałkoŭ z turmy nazvaŭ imaviernaść datyčnaści Pucina da zabojstva Pryhožyna «mizernaj»
U telehram-kanale byłoha kamandujučaha vojskami samaabvieščanaj «DNR», jaki ciapier znachodzicca ŭ SIZA, źjaviŭsia post ab avijakatastrofie ŭ Ćviarskoj vobłaści, padčas jakoj zahinuŭ Jaŭhien Pryhožyn z paplečnikami. Paviedamlajecca, što tekst byŭ pieradadzieny praz advakataŭ.
Na dumku Hirkina, mahčymaje dačynieńnie Pucina da katastrofy biznes-džeta Pryhožyna — «mizernaje, prykładna na ŭzroŭni imaviernaści technahiennaj katastrofy». Jašče mienš imavierna, što zdareńnie było «teraktam z boku Ukrainy ci Zachadu», miarkuje Hirkin.
Pavodle jaho viersii, havorka moža iści «pra začystku klučavych śviedak» ci pra «pomstu z boku vysokapastaŭlenych vajskoŭcaŭ».
Hirkin adznačyŭ, što «nie moža skazać, što zasmučany», bo Pryhožyn, «pa vialikim rachunku, — vorah Rasii».
«Razam z tym toje, što adbyłosia, nie moža vyklikać u mianie nijakaj stanoŭčaj reakcyi, bo heta čarhovaje śviedčańnie dalejšaha pahłybleńnia smuty ŭ Rasii. Pryhožyna treba było sudzić, a nie likvidavać, zaraz jon nie zmoža dać pakazańni. Viartajucca lichija 90-ja, a heta vielmi niebiaśpiečna»,
— dadaŭ Hirkin, jakoha samoha abvinavačvajuć u datyčnaści da vajennych złačynstvaŭ. Praŭda, u rasijskim SIZA jon siadzić nie za heta.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary