Hastralor-zamiežnik abakraŭ u Babrujsku try kvatery, a ŭ čaćviertaj narvaŭsia na haspadyniu
«Hastroli» ciahnulisia kala sutak.
Za hety čas 49-hadovy mužčyna, vykarystoŭvajučy admyčku i padbirajučy klučy, uzłamaŭ i pahaspadaryŭ u troch kvaterach.
U adnoj ź ich jon vykraŭ noŭtbuk i płanšet, u druhoj — bolš za 20 juvielirnych vyrabaŭ z zołata i srebra, dublonku i noŭtbuk, u treciaj — nie znajšoŭ cikavych dla siabie kaštoŭnaściej i pakinuŭ poŭny biesparadak. U čaćviortaj kvatery jamu nie pašancavała jašče bolš — jaho sustreła haspadynia, paviedamlaje Dziaržkamitet sudovych ekśpiertyz.
Supracoŭniki milicyi apieratyŭna zatrymali złamyśnika, usio skradzienaje było kanfiskavana ŭ aŭtamabili, jaki mužčyna ŭziaŭ naprakat.
Pa kryminalnaj spravie praviedzieny šerah sudovych ekśpiertyz, u tym liku tavaraznaŭčaja — dla vyznačeńnia koštu skradzienaha.
Sudovy ekśpiert-tavaraznaviec Babrujskaha mižrajonnaha adździeła Dziaržaŭnaha kamiteta sudovych ekśpiertyz ustanaviŭ reštkavy košt 23 juvielirnych vyrabaŭ (6 — sa srebra, 17 — z zołata), jon skłaŭ bolš za 6000 rubloŭ. Ahulny košt skradzienaha — bolš za 8200 rubloŭ.
Mužčynu asudzili na dva hady z adbyvańniem u vypraŭlenčaj kałonii va ŭmovach ahulnaha režymu.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary