U litoŭskich kramach znajšli tavary ź Biełarusi, niahledziačy na sankcyi
Heta minieralnaja vada Borjomi i Narzan (imparcior — Biełaruś).
U kramach handlovaha aljansu Aibė ŭsio jašče možna znajści rasijskija i biełaruskija tavary, niahledziačy na toje, što paśla pačatku vajny va Ukrainie hrupa paviedamlała pra spynieńnie pastavak takich tavaraŭ. Čytač Delfi naviedaŭ adnu z kramaŭ Aibė ŭ rehijonie i ździviŭsia, ubačyŭšy rasijskija i biełaruskija tavary.
Heta minieralnaja vada Borjomi, Narzan (imparcior — Biełaruś), jakuju raspaŭsiudžvaje ŭ Litvie kampanija Talihas. Rasijskija nadpisy jość i na jašče niekatorych napojach Martin — heta «Tarchun» i hrušavy limanad. Kampanija Martin — rasijskaja.
Delfi źviarnuŭsia da pradstaŭnikoŭ Aibė, ale adkazu nie atrymaŭ.
1,5 hoda tamu, kali pačałasia vajna va Ukrainie, aljans Aibė, jaki abjadnoŭvaje bolš za 800 kram u Litvie, paviedamiŭ, što admaŭlajecca ad rasijskich i biełaruskich tavaraŭ. Śćviardžałasia, što reštki tavaraŭ zdymuć z prodažu, nievialikaja ich častka była raspradadzienaja.
Paviedamlałasia, što ŭ asartymiencie Aibė rasijskija i biełaruskija tavary składali mienš za 1% abarotu. U asnoŭnym heta byli ałkaholnyja abo biezałkaholnyja napoi, arechi, prysmaki, kaśmietyka.
Paśla taho jak prajšoŭ hod z momantu pačatku vajny, pradstaŭniki sietki zapeŭnivali, što pastaŭki rasijskich i biełaruskich tavaraŭ nie adnaŭlalisia. «Naprykład, sodu my kuplajem u Italii, sol — u Polščy», — skazała tady pradstaŭnica aljansu Aibė Žydre Baskucicie.
«Praŭda, što tyčycca Borjomi, to hetaj kampanii dadzieny dazvoł na handal u ES, tamu hety tavar viarnuŭsia na pryłaŭki kram Aibė», — kamientavała jana raniej.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary