Śviet1414

«Kab Pucin nie vyhladaŭ dziedam». U Kramli vyznačylisia, chto budzie sparynh-partniorami na prezidenckich vybarach 2024 hoda

Siarod zarehistravanych kandydataŭ nie pavinna być palitykaŭ, maładziejšych za 50 hadoŭ. Pavodle acenki čynoŭnikaŭ Administracyi prezidenta Rasii, najaŭnaść takich kandydataŭ u biuleteni moža prymusić rasijan zadumacca pra toje, što 70-hadovy Pucin — «užo nie toj čałaviek, jaki prychodziŭ da ŭłady ź ćviordaj rukoj».

Uładzimir Pucin. Fota: Contributor / Getty Images

U palityčnym błoku Administracyi prezidenta RF, jakim kiruje Siarhiej Kiryjenka, vyznačylisia sa «sparynh-partniorami», jakija buduć «kankuravać» z Uładzimiram Pucinym na prezidenckich vybarach 2024 hoda. Pa słovach dźviuch krynic «Mieduzy», blizkich da Kramla, adnym z hałoŭnych kryteryjaŭ ich adboru staŭ uzrost, paviedamlaje vydańnie.

Siarod zarehistravanych kandydataŭ nie pavinna być palitykaŭ, maładziejšych za 50 hadoŭ. Pavodle acenki čynoŭnikaŭ AP, najaŭnaść takich kandydataŭ u biuleteni moža prymusić rasijan zadumacca pra toje, što 70-hadovy Pucin — «užo nie toj čałaviek, jaki prychodziŭ da ŭłady ź ćviordaj rukoj».

Na hety momant u AP raźličvajuć, što na vybary, akramia Pucina, pojduć pradstaŭniki troch parłamienckich partyj: KPRF, ŁDPR i «Novych ludziej» (lidar «Spraviadlivaj Rasii» Siarhiej Mironaŭ abviaściŭ, što jaho partyja nie budzie vyłučać kandydata i padtrymaje Uładzimira Pucina).

Kandydatam ad KPRF Kreml bačyć Hienadzia Ziuhanava.

«Nijakich ciomnych konikaŭ typu [vyłučanaha kamunistami ŭ 2018 hodzie biznesoŭca Paŭła] Hrudzinina. Ziuhanaŭ zvykły prezidentu, u jaho vysoki status lidara partyi, jaho proźvišča znajomaje kožnamu vybarščyku. Pry hetym u jaho jość stol — kandovy elektarat KPRF, novych vybarščykaŭ jon pryciahvać nie budzie», — patłumačyŭ adzin z surazmoŭcaŭ «Mieduzy», blizkich da AP.

U 2008 hodzie na vybarach prezidenta Ziuhanaŭ atrymaŭ 17%, u 2012 hodzie — 18%.

Takaja stabilnaść rejtynha važnaja dla Kramla — płanujecca, što na budučych vybarach Pucin nabiare «rekordny vynik». Pucin pavinien atrymać bolš za 80% hałasoŭ ź jaŭkaj bolš za 70%.

Hetamu hipatetyčna mahło pieraškodzić paŭtareńnie historyi z Hrudzininym — tady ŭzhodnieny z Kramlom kandydat pačaŭ niečakana nabirać rejtynh, i AP pryjšłosia vieści suprać jaho paŭnavartasnuju kampaniju pa čornym pijary.

«Z abrydłym Ziuhanavym takich ekscesaŭ nie budzie», — upeŭnieny blizki da AP surazmoŭca «Mieduzy». Ciapier rejtynh davieru Ziuhanavu pavodle «Levada-centra» składaje 3%, rejtynh KPRF pavodle VCIOM — 10,2%.

Kandydatam ad ŁDPR, pa zadumcy Kramla, pavinien stać lidar partyi Leanid Słucki.

Sa słoŭ krynicy, blizkaj da AP, Słucki i sam choča paŭdzielničać u vybarach, «bo lubić pijar». Surazmoŭca, blizki da kiraŭnictva ŁDPR, paćvierdziŭ hetuju infarmacyju i dadaŭ, što Słucki «lubić śviacicca na publicy» i maje namier «padniać asabistuju viadomaść». Z hetaj ža metaj, sa słoŭ krynicy, Słucki ciapier uznačalvaje śpisy partyi na rehijanalnych vybarach: «jaho fota — na pieršych pałosach partyjnych haziet, a padčas prezidenckich jašče i teleefir padčas debataŭ dadasca».

Surazmoŭca, blizki da palityčnaha błoku Kramla, situacyju z vyłučeńniem Słuckaha apisaŭ tak: «Jon całkam padychodzić — surjozny mužčyna, pry pasadzie, u pinžaku. Nichto nie skaža, što heta čysty spojler. Ale asabisty rejtynh Słuckaha nizki, a sam jon jak publičny palityk — nu takoje … »

Kandydatam ad «Novych ludziej» usio bolš składana. U Kramli chacieli b, kab ad partyi vyłučyŭsia jaje staršynia, biznesoviec Alaksiej Niačajeŭ.

«Łohika taja ž, što sa Słuckim: surjozny mužčyna ŭ pinžaku, pavažny, pravilny. Ale małaviadomy i nie vielmi charyzmatyčny. Kab rejtynh nie vybiŭsia [napierad] i nie staŭ pahražać KPI pa Pucinie», — rastłumačyŭ adzin z surazmoŭcaŭ, blizkich da AP.

Adnak z samim Niačajevym hety płan pakul uzhadnić nie ŭdałosia. Sa słoŭ dźviuch krynic, blizkich da Kramla, toj razumieje, što «šmat adsotkaŭ jamu nabrać nie daduć, a atrymlivać drobiaź i być Locham 2% jon nie choča».

«Niačajeŭ choča, kab NŁ vyjšli jak minimum na treciaje miesca na vybarach u Dziarždumu ŭ 2026 hodzie. Jon dumaje, što jaho nizki vynik na prezidenckich vybarach pieraškodzić hetaj mecie», — patłumačyła blizkaja da AP krynica «Mieduzy».

Pavodle infarmacyi surazmoŭcaŭ «Mieduzy», zamiest siabie Niačajeŭ prapanuje vice-śpikiera Dziarždumy Uładzisłava Davankova, jaki ciapier bałatujecca ŭ mery Maskvy.

Adnak AP hetaja kandydatura nie zadavalniaje. Kreml praciahvaje nastojvać na ŭdziele Niačajeva, choć Davankoŭ — całkam sistemny palityk.

Sprava va ŭzroście. Davankovu 39 hadoŭ, jon lubić pijar, moža narmalna vystupać publična. Zrazumieła, što jon nie atrymaje vialikaha pracenta, ale małady i aktyŭny kandydat moža prymusić vybarščyka padumać pra ŭzrost prezidenta. Heta budzie niavyhadny kantrast. Havorka nie pra vynik [Pucina] na samich vybarach, a pra pierśpiektyvu pary-trojki hadoŭ, kali dumki pra toje, što Pucin, viadoma, małajčyna, ale čas pryjści kamuści maładziejšamu, źjaviacca. Udzieł maładych kandydataŭ moža stać katalizataram takich dumak.

Pavodle apytańnia kampanii Russian Field, praviedzienaha ŭ mai hetaha hoda, uzrost źjaŭlajecca trecim pa papularnaści adkazam na pytańnie ab tym, što rasijanam «nie padabajecca» ŭ dziejnym prezidencie, — vyšej tolki «miakkaść» Pucina (u čym vyjaŭlajecca hetaja «miakkaść» — zusim niezrazumieła) i jaho niaŭvažlivaść da ŭnutranych spraŭ krainy.

Adrazu niekalki rehijanalnych čynoŭnikaŭ i adzinarosaŭ, apytanych «Mieduzaj», paćvierdzili, što ŭ apošnija niekalki hadoŭ rasijan sapraŭdy pačaŭ turbavać uzrost Pucina.

«Ci nie čas pra pierajemnika padumać, moža, užo čas adpačyć, patrebny novy pohlad?» — pieraličvaje pytańni žycharoŭ adzin z vysokapastaŭlenych rehijanalnych adzinarosaŭ.

Sami čynoŭniki taksama pačali inakš stavicca da Pucina paśla jaho siamidziesiacihodździa.

Kali raniej surazmoŭcy «Mieduzy» ź liku čynoŭnikaŭ, adzinarosaŭ, łajalnych da ŭłady biznesoŭcaŭ i palittechnołahaŭ nazyvali dziejnaha prezidenta «pieršym», «hałoŭnym», «viarchoŭnym» abo «baćkam», to ciapier čaściej za ŭsio nazyvajuć jaho «dziedam».

Adzin z surazmoŭcaŭ, blizkich da Kramla, na pytańnie ab pryčynach hetaha adkazaŭ tak: «Nu dzied i dzied, heta ž bieź niehatyvu. Uzrost u jaho taki».

Kamientary14

  • korona
    28.08.2023
    chorošieje foto. Red.
    vsie vi dno , kak hricco
    na licie
  • Praŭdarub
    28.08.2023
    Chiba nie mienš za 82% namalujuć Putleru. Bo Saška 80,1% nabraŭ. Hetamu ciapier abaviazkova treba budzie “atrymać” bolš padtrymki.
  • nieviesta Azarienka
    28.08.2023
    putienh

    nikakoj šaman (bunkier) nie spasiet

    śliškom tonkaja pierienosica


    vsie ž e ł je m je n t a r n o
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Usie naviny →
Usie naviny

Šrajbman: Ciapierašnija kanflikty ŭ apazicyi ŭžo mała kaho cikaviać14

Rabotniki MNS vyratavali na pažary sabaku i kata, a potym zrabili im štučnaje dychańnie

Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2

14-hadovaja Vika admoviła ŭ seksie — i heta stała pryčynaj panažoŭščyny, u jakoj zahinuli čaćviora padletkaŭ u Bajkalsku11

Na bietonnym zavodzie ŭ Homieli zahinuŭ kiroŭca cemientavoza

«Tydzień u Brazilii, dzie ciabie abrabujuć, abo dva tydni ŭ biaśpiečnaj Biełarusi». Pa što zamiežniki jeduć u našu krainu6

Ukraina atakavała technapark i zavod pa vytvorčaści bieśpiłotnikaŭ u Padmaskoŭi1

Biełaruś pieranosić vučeńni «Zachad-2025» z zachodnich miežaŭ uhłyb krainy18

U nazvach stancyj mietro na vychadach z padziemki źnikli niekatoryja litary1

bolš čytanych navin
bolš łajkanych navin

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Hałoŭnaje
Usie naviny →

Zaŭvaha:

 

 

 

 

Zakryć Paviedamić