Na kaniec kastryčnika pryznačany razhlad spravy ab ekanamičnaj niepłaciežazdolnaści (bankructvie) TAA «Salea — kiroŭnaja kampanija chołdynhu». 20 kastryčnika zaviaršajecca termin likvidacyjnaha viadzieńnia pa spravie, heta havorycca na sajcie Adzinaha dziaržaŭnaha rejestra źviestak ab bankructvie, zaŭvažyła «NV».
«Bieručy pad uvahu rašeńnie schodu kredytoraŭ, sud ličyć nieabchodnym zadavolić chadajnictva kiraŭnika ab padaŭžeńni terminu sanacyi TAA «Salea» — kiroŭnaja kampanija chołdynha» da 20.10.2023, pakolki jość padstavy mierkavać, što pradaŭžeńnie terminu sanacyi pryviadzie da pavieličeńnia ahulnaj sumy zadavolenych patrabavańniaŭ kredytoraŭ», — havaryłasia ŭ vyznačeńni Ekanamičnaha suda Minskaj vobłaści ad 20 kastryčnika 2022 hoda ab pradaŭžeńni terminu sanacyi «Salea-UKCH».
Hałoŭny ofis «Salea» znachodzicca ŭ Dziaržynsku. Raniej tam byŭ zavod kapitalnaha ramontu dyzielnych ruchavikoŭ — jaho ŭ 2011 hodzie vykupiŭ biznesmien Alaksandr Šakucin. U 2013 hodzie jon zarehistravaŭ TAA «Salea».
U sakaviku 2014 hoda na pradpryjemstvie pabyvaŭ Alaksandr Łukašenka. Pa vynikach vizitu było pryniata rašeńnie ab stvareńni hidraŭličnaha chołdynha «Salea». U krasaviku 2014 hoda TAA «Salea» pierajmienavana ŭ TAA «Salea» — kiroŭnaja kampanija chołdynha».
Šakucin tłumačyŭ tady Łukašenku, što zasnavalniki TAA «Salea» viaduć pracu pa stvareńni ŭ Biełarusi bujnoha chołdynha vytvorčaści hidraŭličnaha abstalavańnia dla mašynabudavańnia.
«Chołdynh stvarajecca na bazie niekalkich pradpryjemstvaŭ u roznych rehijonach Biełarusi i na praciahu troch hadoŭ zmoža całkam zamiaścić impart hidraŭličnych mašyn u Biełaruś, na 100% zabiaśpiečyć patreby biełaruskich mašynabudaŭničych pradpryjemstvaŭ u vysakajakasnych sučasnych kamplektujučych. Akramia taho, kala 40% pradukcyi płanujecca pastaŭlać na ekspart, — paviedamlała pres-słužba Łukašenki 27 sakavika 2014 hoda. — Jak dałažyŭ Alaksandr Šakucin, ahulny abjom inviestycyj składzie bolš za $200 młn, akupnaść prajekta — 5 hadoŭ».
Ale abstaviny ŭnieśli ŭ hetyja płany karekciroŭki.
«U mianie źjaviłasia prablema z chołdynham «Salea» — nie mnoj inicyjavanaja: ja daŭ harantyju, što jany vykanajuć zabaviazańni, a jany nie vykanali! I ŭsie ich zabaviazańni pierajšli na mianie jak na fizičnuju asobu, — raspaviadaŭ u svoj čas Alaksandr Šakucin u intervju «Narodnaj Voli». —
Sankcyi — heta jašče drobnaje. Banki padali ŭ sud, i ja siońnia nie maju prava vyjechać za miažu. Nie tolki ŭ Jeŭropu, ale navat u Rasiju ci Ukrainu! Ja nie maju prava sieści za rul — tak sud vyrašyŭ, u mianie aryštavanaja majomaść. I šmat inšych momantaŭ jość».
Čytajcie taksama:
Šakucin prasiŭ ES źniać ź jaho sankcyi. Nie pašancavała
Jeŭrapiejski sud admoviŭsia źniać sankcyi jašče z troch łukašystaŭ
U Litvie zamarozili aktyvy, źviazanyja z Alaksandram Šakucinym
Šakucin ryzykuje paŭtaryć los Čyža — jeŭrapiejskija sankcyi razvalvajuć biznes
Šakucin: U mianie zabrali pravy, aryštavanaja majomaść, ja nie mahu vyjechać za miažu
Ciapier čytajuć
Praź dzieviać miesiacaŭ paśla vyzvaleńnia pamior palitviazień Valeryj Bohdan4
Kamientary