U Luksiemburhu 7 červienia prajšoŭ razhlad jašče adnoj spravy pradstaŭnika Biełarusi, jaki damahaŭsia źniaćcia sankcyj ES.
Pazoŭ pastupiŭ u Jeŭrapiejski sud jašče ŭ sakaviku 2021 hoda. Blizki da Alaksandra Łukašenki biznesoviec Alaksandr Šakucin asprečvaŭ abmiežavalnyja miery, uviedzienyja suprać jaho. Jaho intaresy ŭ sudzie pradstaŭlaŭ juryst B. Jaŭcimaŭ, piša «Radyjo Svaboda».
Sud pakinuŭ jeŭrapiejskija sankcyi suprać Šakucina ŭ sile.
Na dumku suda, adkaźnik — Rada Jeŭrapiejskaha sajuza — dała dastatkovyja dokazy, kankretnyja, dakładnyja i paśladoŭnyja, kab paćvierdzić zakonnaść sankcyj suprać Šakucina.
Pavodle Jeŭrapiejskaj rady, spadar Šakucin atrymlivaje vyhadu ad režymu Łukašenki i padtrymlivaje jaho. Paśla prezidenckich vybaraŭ u Biełarusi 2020 hoda, jakija byli pryznanyja Radaj ES nieadpaviednymi mižnarodnym standartam i azmročanyja represijami suprać niezaležnych kandydataŭ i žorstkim razhonam mirnych pratestoŭcaŭ, Rada ES uviała novy cykł abmiežavalnych zachadaŭ u dačynieńni da Biełarusi, byŭ dapoŭnieny śpis asob, jakim zabaronieny ŭjezd abo tranzitny prajezd praz terytoryju dziaržaŭ — siabroŭ sajuza i čyje srodki i majomaść byli zamarožanyja.
Siarod asob, čyje proźviščy dadali da hetaha śpisa, jość hramadzianin Biełarusi Alaksandr Šakucin.
Rada nazvała jaho, u pryvatnaści, adnym z asnaŭnych biznesmienaŭ, jakija pracujuć u Biełarusi, jon maje intaresy ŭ budaŭnictvie, mašynabudavańni i sielskaj haspadarcy, ličycca atrymalnikam vyhady ad pryvatyzacyi padčas znachodžańnia na pasadzie Alaksandra Łukašenki.
Šakucin taksama byŭ siabram prezidyuma prałukašenkaŭskaha hramadskaha abjadnańnia «Biełaja Ruś».
24 maja hety ž Jeŭrapiejski sud adchiliŭ pazovy deputata Pałaty pradstaŭnikoŭ Nacyjanalnaha schodu, lidara ŁDPB Aleha Hajdukieviča i namieśnika staršyni Biełteleradyjokampanii Siarhieja Husačenki, jakija taksama asprečvali ŭviedzienyja suprać ich sankcyi ES.
Ciapier čytajuć
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam1
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
Kamientary