U Litvie zamarozili aktyvy, źviazanyja z Alaksandram Šakucinym
U Litvie zamarozili aktyvy troch jurydyčnych i adnoj fizičnaj asoby, jakija źviazany ź biełaruskim biznesmienam Alaksandram Šakucinym.
Pra heta paviedamlaje Słužba rasśledavańnia finansavych złačynstvaŭ (FNTT) Litvy, piša Zerkalo.io.
Ahulnaja suma zamarožanych aktyvaŭ, źviazanych ź Biełaruśsiu, skłała bolš za 45,7 tys. jeŭra. Pry hetym nie skazana, pra jakich jurydyčnych i fizičnych asob idzie havorka.
Błakavańnie aktyvaŭ źviazanaje ź finansavymi sankcyjami Jeŭrapiejskaha sajuza ŭ dačynieńni da Biełarusi i Rasii. «Sankcyi ŭviedzienyja za suviazi ź biznesmienam Alaksandram Šakucinym», havorycca ŭ paviedamleńni viedamstva.
Nahadajem, Alaksandr Šakucin — staršynia rady dyrektaraŭ AAT «Amkador» i ŭładalnik kantrolnaha pakieta akcyj, uładalnik chołdynha «Salea». Taksama ŭ jaho jość aktyvy ŭ handli naftapraduktami (TAA «Interservis», «Eksimojł»), kvietkami («Łohieks») i inšych śfierach.
Kamientary