U centry Hrodna adkryli novy hihancki murał. Na im historyja horada
U dvoryku na Marksa, 11 u Hrodnie napiaredadni Dnia horada adkryli murał. Jon składajecca z 12-ci arak, a ŭ ich adlustravanyja siužety, pryśviečanyja historyi Hrodna i palavańniu. Płošča murała — bolš za 430 kv. m, piša Hrodna Life.
Adkryćcio prymierkavali da Dnia horada, jakoje buduć adznačać 9 vieraśnia. Inicyjatar stvareńnia murała — ułaśnik pryvatnaj halerei chałodnaj zbroi «Arsienał» i były šmathadovy dyrektar Hrodzienskaha miasakambinata Anatol Hryšuk. Aŭtar murała — hrodzienski mastak Uładzimir Kačan.
Za ŭzor byli ŭziatyja hraviury staražytnych majstroŭ. Da ich dadali vidy horada. Na vyjavach možna ŭbačyć pažarnuju kałanču, vulicu Zamkavuju, a taksama alenia śviatoha Hubierta. Stary zamak vyjavili ŭ sučasnym vyhladzie, a taksama tak, jak jon vyhladaŭ na viadomaj hraviury Macieja Ciunta.
«Hetuju ideju my prydumali razam z maimi siabrami, siarod jakich byli tvorčyja asoby. Spačatku byli dumki paklikać dziaciej i razmalavać ścianu hrafici, ale potym vyrašyli zrabić pa-inšamu», — skazaŭ Anatol Hryšuk «Viačerniamu Hrodnu».
Pavodle słoŭ Hryšuka, sa srodkami na stvareńnie murała dapamahli jaho siabry. Siarod ich nie tolki hrodziency. Maŭlaŭ, nichto nie admoviŭsia paŭdzielničać u prajekcie, a «dvoje pakryŭdzilisia, što im nie prapanavali».
Pobač sa ścianoj vysadziać kvietki i kusty. Na kłumbie ŭstalavali mietaličnuju skulpturu alenia, jakuju Hryšuku padaravali na 50-hodździe. Taksama jość skulptury kavala, jaki kuje mieč, i čaladnika, jaki razahravaje ahmień.
U Hrodnie pamianiali datu śviatkavańnia Dnia horada ŭžo treci raz za try hady
U Rasonach źjaviŭsia murał z kałasami, vałoškami i busłami
Rabotniki kultury i adukacyi Haradoččyny razmalavali prypynki da Dnia biełaruskaha piśmienstva. I ŭzialisia za damy
Na vychadzie sa stancyi mietro «Instytut kultury» źjavilisia pryhožyja murały
Kamientary
taki zhaustvujtie
eto odin iz moich "lubimiejšich" miasokombinatov
byu