Na minski paŭmarafon sabrałasia ŭ try razy mienš ludziej, čym 4 hady tamu
Siońnia ŭ stalicy prajšoŭ užo 10-y pa liku Minski paŭmarafon. Navat na im leh cień represij.
Na hety raz u im udzielničali 15 tysiač čałaviek. Prabiehčy kamfortnuju dla siabie dystancyju — 5, 10 abo 21 kiłamietr — mahli i amatary, i prafiesijnyja spartsmieny, pryčym nie tolki ź Biełarusi, ale i ź inšych krain. Varta adznačyć, što ahulnaja depresija raspaŭsiudziłasia navat na hetuju padzieju. Pra heta śviedčyć užo sam toj fakt, što pa aficyjnych źviestkach u paŭmarafonie ŭdzielničała ŭ try razy mienš ludziej, čym u 2019 hodzie, pierad pačatkam represij.
Nahadajem, što va ŭsich paŭmarafonach raniej udzielničała palitźniavolenaja redaktarka partała Tut.by Maryna Zołatava, a lehiendarnaje vydańnie było tradycyjnym sponsaram padziei.
Fotarepartaž z marafonu-2023 publikuje ŭ Onliner.by Alaksandr Ružačka.
Samym chutkim vyjaviŭsia rasijski lohkaatlet Rynas Achmadzijeŭ — jon spraviŭsia z 21 kiłamietram za 1 hadzinu 3 chviliny i 20 siekund. Druhoje i treciaje miesca zaniali biełaruskija spartoŭcy Uładzisłaŭ Pramoŭ i Siarhiej Kraŭčenia, adstaŭšy ad lidara na 3 i 4 chviliny adpaviedna.
Siarod žančyn pieršaj na stadyjon prybiehła lohkaatletka i ŭdzielnica Alimpijskich hulniaŭ Maryna Damancevič (jaje vynik — 1 hadzina 15 chvilin i 15 siekund). Usiaho na 30 siekund paźniej finišavała jašče adna biełaruskaja spartsmienka — Volha Niemahaj. Za joj — tryjatłanistka Hanna Maksimava (jaje čas — 1 hadzina 18 chvilin i 34 siekundy).
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj31
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2828
Kamientary