Jon datujecca 1598 hodam, a carkoŭnyja zapisy ab vypłatach na katoŭ datujucca naohuł XIV stahodździem.
Daśledčyki ličać, što dzirka ŭ dźviarach Eksieterskaha sabora ŭ Anhlii — samy stary łaz dla katoŭ u śviecie, pakul nie dakazana advarotnaje, piša Bi-bi-si.
Łaz datujecca kancom XVI stahodździa (a mienavita 1598 hodam), jak pakazvajuć chroniki. Adtulinu vyrazali, kab trymać pad kantrolem hryzunoŭ.
Daśledčyca historyi sabora Dajan Uokier kaža, što z hetymi dźviaryma źviazana šmat lehiend.
Z 1376 hoda jany viali da hadzińnika, i hryzunoŭ asabliva pryciahvaŭ žyviolny tłušč, jakim zmazvali miechanizm.
Užo z XIV stahodździa carkoŭnyja zapisy fiksujuć rehularnyja vypłaty na ŭtrymańnie kotak.
Siońniašniaha haspadara Eksieterskaha sabora zavuć Stepłdan, i jon navat viadzie svoj błoh na staroncy sabora ŭ internecie.
«Pryvitańnie! Ja — Stepłdan, i ja saborny kot u Eksieterskim sabory. Ja vielmi rady paviedamić, što dekan paprasiŭ mianie pisać karotki błoh kožnyja dva tydni, i mnie chočacca raskazać vam pra mnostva roznych rečaŭ, jakija tut adbyvajucca», — pisaŭ kot u pieršym dopisie try hady tamu.
«Ja pierahavaryŭ z myšami, kab pierakanacca, što jany nie ŭčyniać nijakich biesparadkaŭ u asnoŭnych budynkach padčas karancinu. Heta aznačaje, što, jak i ŭsie astatnija, my možam zachoŭvać biaśpiečnuju sacyjalnuju dystancyju i što zaraz u mianie jość dastatkova času, kab ahledzieć budynak u volny čas», — dadaŭ Stepłdan.
Ciapier čytajuć
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija21
Kamientary
a na utrymańnie Umak byu nałoh? tak. značyć uviasti