Sielhaskompleks Juryja Čyža na Łahojščynie pierajšoŭ u inšyja ruki
Chołdynh «Trajpł», jaki znachodzicca ciapier u pracesie sanacyi, bolš nie ŭładalnik sielhaspradpryjemstva ŭ Łahojskim rajonie. U jaho byłoha strukturnaha padraździaleńnia «Trajpł-Ahra», jak vyśvietliła vydańnie «Biełorusy i rynok», źjaviŭsia novy ŭłaśnik.
Apošnim časam dla pahašeńnia daŭhoŭ «Trajpła» jahonyja źniešnija kiraŭniki vystavili na prodaž i realizavali ofis kampanii na vulicy Rakaŭskaj, viełnes-kłub, palaŭničuju haspadarku ŭ Łahojskim i turystyčnuju viosku ŭ Biarozaŭskim rajonach.
Na zaŭtra, 14 vieraśnia, pryznačany tarhi pa vystaŭlenych na adkryty prodaž AZS u Minsku i staličnym restaranie «Załaty hrabieńčyk».
Pierachod «Trajpł-Ahra» da novaha ŭłaśnika nie afišavaŭsia, ale «Biełorusy i rynok» źviarnuli ŭvahu, što sa śpisa sielskahaspadarčych arhanizacyj Łahojskaha rajona źnik SK «Trajpł-Ahra», a pa miescy jaho prapiski ŭ vioscy Čudzieničy Astrašyckaha sielsavieta ciapier značycca pradpryjemstva «Aziarycki-Ahra».
Apošniaje — adzin z najbujniejšych ahrarnych chołdynhaŭ susiedniaha z Łahojščynaj Smalavickaha rajona. U im paćvierdzili, što byłoje sielskahaspadarčaje pradpryjemstva «Trajpła» ź niadaŭnich časoŭ znachodzicca pad kryłom «Aziaryckaha-Ahra».
Ahrakompleks «Trajpł-Ahra» — adzin z kala 30 byłych stratnych kałhasaŭ i saŭhasaŭ, pieradadzienych u 2004—2005 hadach ukazam Łukašenki pryvatnamu biznesu. Da prychodu tudy Juryja Čyža i jaho partnioraŭ jon nazyvaŭsia SVK «Vierahi». Čyžu, ulivajučy ŭ pradpryjemstva vialikija srodki, udałosia zrabić z byłoj stratnaj haspadarki adnaho ź lidaraŭ nie tolki rajona i vobłaści, ale ŭsioj krainy. Adnak asabistyja prablemy biznesoŭca i ekanamičnaja biazładzica ŭ «Trajple» nie mahli nie adbicca na efiektyŭnaści pracy haspadarki. Z hetym i źviazany pierachod «Trajpł-Ahra» ŭ ruki novaha ŭłaśnika.
Juryj Čyž sudzicca z małodšym synam za farmzavod
U Minsku vystavili na prodaž jašče adnu zapraŭku «Trajpła»
Juryj Čyž viarnuŭ pad svajo kiravańnie hałoŭny aktyŭ siamji ŭ Rasii
Viadomaje ŭsim kafe ŭ samym centry Minska vystavili na prodaž. Cana — bolš za 2 miljony dalaraŭ
Čyž kupiŭ biznes u Viktara Drobyša
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia15
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2222
Kamientary