Namieśnik načalnika «Rashvardyi» samaabvieščanaj «DNR» Alaksandr Chadakoŭski paviedamiŭ, što na vajnie va Ukrainie zahinuŭ kamandujučy 31-j desantna-šturmavoj bryhadaj, pałkoŭnik Andrej Kandraškin (pazyŭny «Dunaj»).
«Pakul my vajavali ruka ŭ ruku, my pasiabravali z Andrejem, i siońnia nas vielmi hłyboka paraniła viestka pra jaho zahubu. My prynosim svaje spačuvańni jaho rodnym i blizkim, jaho bajavym tavaryšam», — napisaŭ Chadakoŭski ŭ svaim telehram-kanale.
Pra abstaviny hibieli Kandraškina jon nie paviedamlaje.
Pavodle źviestak ukrainskaha žurnalista Juryja Butusava, 31-ja bryhada, jakoj kamandavaŭ Kandraškin, «brała ŭdzieł va ŭsich najbujniejšych bitvach vajny, pačynajučy z desantu ŭ aeraport Hastomiel».
Butusaŭ śćviardžaje, što ciapier heta padraździaleńnie znachodzicca pad Bachmutam, dzie ŭkrainskija vajskoŭcy viaduć kontrnastupleńnie.
«Kandraškin vykonvaŭ zadaču adbić ataki 3-j šturmavoj bryhady i nadadzienych joj častak na poŭdzień ad vioski Andrejeŭka, kab nie dapuścić zachopu reštkaŭ 72-j motastrałkovaj bryhady, jakija našy voiny dabivali ŭ samim siale», — piša ŭkrainski žurnalist.
Jon śćviardžaje, što ŭkrainskija vajskoŭcy prarvalisia ŭ Andrejeŭku ŭ tym liku praz učastak, na jakim dziejničała bryhada Kandraškina.
Ab vyzvaleńni vioski Andrejeŭka ŭkrainskija vajskoŭcy paviedamili ŭ piatnicu, rasijskija aficyjnyja krynicy hetych paviedamleńniaŭ nie paćvierdzili.
Pavodle źviestak rasijskaj słužby Bi-Bi-Si, jakaja sumiesna z vydańniem «Miedyjazona» i kamandaj vałancioraŭ viadzie śpis zahinułych z rasijskaha boku na asnovie adkrytych krynic, za čas poŭnamaštabnaha ŭvarvańnia było zabita bolš za 170 vajskoŭcaŭ 31-j DŠB. 17% z zahinułych — aficerski skład, piša VVS.
-
U Čarnaŭcach padčas uskryćcia cieła vajskoŭca, pieradadzienaha ŭ ramkach abmienu z RF, vyjavili hranatu
-
Źjavilisia spadarožnikavyja zdymki z nastupstvami ŭdaru rakiet pa branskim zavodzie mikraelektroniki — jon razburany
-
Rasijskija vajenkary zajaŭlajuć, što straty dasiahnuli nieprymalnaha ŭzroŭniu. «Čakaje nas remiejk vosieni 2022 hoda»
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary