Zialenski zajaviŭ, što ŭžo viedaje, dzie ŭkrainskija vojski prarvuć rasijskija linii abarony
Prezident Ukrainy Uładzimir Zialenski zapeŭniŭ u intervju CBS, što jamu ŭžo viadoma, dzie ŭkrainskija siły zmohuć prarvać rasijskuju abaronu, ale kazać pra heta nie moža, piša «UP».
«Niekatoryja nie razumiejuć, što takoje iści napierad tam, dzie blizu 200 tysiač vajskoŭcaŭ Rasii. Heta na ŭschodzie dziaržavy. Heta adbyvajecca siońnia. Tak, usie chočuć, kab prarvali my linii abarony. My hetaha vielmi chočam. Prarvać linii abarony — nialohki šlach. Heta budzie. Ja ŭ hetym upeŭnieny. Ja nie mahu skazać, dzie heta budzie chutčej. Ja nie mahu pra heta kazać. Vybačajcie, bo ja viedaju, dzie my źbirajemsia prarvacca — i prarvacca mahutna».
Jon dadaŭ, što vielmi spadziavajecca, što heta adbudziecca, i vieryć va ŭkrainskich voinaŭ.
Prezident Uładzimir Zialenski, kamientujučy pavolny prahres padčas kontrnastupleńnia, zajaviŭ, što ciapier abaroncam važna prasoŭvacca napierad choć na nievialikija adlehłaści i nie davać pieradyški prezidentu krainy-ahresara.
Ciapier čytajuć
Zahinuŭ biełaruski dobraachvotnik Vasil «Dzir» Rapicki11
Kamientary