U «Novaj Baravoj» źjaviacca kvatery płoščaj usiaho 20 «kvadrataŭ». Jakaja cana?
U «Novaj Baravoj» chutka pačnuć budavać čarhovy dom. Ale hetym mała kaho ździviš. Inšaja sprava — niestandartnyja płaniroŭki i mietraž. I tut «A-100 Deviełapmient» jość što prapanavać. U novym vaśmi-dziesiacipaviarchoviku (jon idzie pad numaram 7.53 pa hienpłanie) buduć kvatery, ahulnaja płošča jakich usiaho 20 kvadratnych mietraŭ. Takim mietražom nie ździviš, da prykładu, palakaŭ: dla ich «kavalerki» zvykłaja reč, ale dla nas heta pakul usio jašče navinka, piša Onliner.
Dom uźviaduć u kvartale «Kalejdaskop» (znachodzicca na zachadzie Centralnaha parka). Pobač ź im raźmieścicca parkinh z mahazinam i adkryjecca dziciačy sadok. Novabudoŭla «raściahniecca» na čatyry padjezdy. Fasad zapłanavali niezvyčajny — sa spałučeńniem karałavaha koleru, adcieńniaŭ paciny i tanavanaha škła.
U dvary zbudujuć dźvie hulniavyja placoŭki dla dziaciej roznaha ŭzrostu. Altanak taksama budzie dźvie: adna — dla adpačynku, inšaja — dla pracy. Praduhledžany mini-aharod, viełaboksy, zona dla barbiekiu i kutok z nastolnymi hulniami.
Akramia 20-mietrovych mikrakvateraŭ u novabudoŭli buduć i bolš zvykłyja płoščy. Stoli — 2,7 mietra, praduhledžany adkrytyja bałkony, na pieršym paviersie — asabistyja terasy z elektramiechaničnymi raletami i markizami. Kvatery dastupnyja ŭ dvuch farmatach — z azdableńniem ad zabudoŭščyka i bieź jaho. Praduhledžany i varyjanty z hatovaj kuchniaj.
Na starcie prodažaŭ mietr addajuć ad $1265 dołaraŭ pa kursie. Što da tych samych studyj pa 20 mietraŭ, to jany abyducca prykładna ŭ $32 000 u ekvivalencie. Nie vielmi tanna dla takoj płoščy, ale zatoje ŭ «Novaj Baravoj». Novy dom u kvartale «Kalejdaskop» płanujuć zdać u siaredzinie 2025 hoda.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB26
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ66
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ6
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary