Hramadstva88

Pamierła Śviatłana Małyška

17 vieraśnia raptoŭna pajšła z žyćcia karespandentka niezaležnaha internet-vydańnia «Hancavicki čas» Śviatłana Małyška, paviedamili jaje kalehi. Sioleta Śviatłana Małyška źbirałasia adznačać svajo 45-hodździe.

Śviatłana Małyška

U haziecie «Hancavicki čas» Śviatłana Małyška pačała pracavać u 2003 hodzie i ŭžo padčas pracy zavočna skončyła fakultet žurnalistyki BDU. Za čas pracy ŭ haziecie jana napisała bolš za 1300 artykułaŭ.

«Dabrynia, ścipłaść i spakojny charaktar dazvalali Śviatłanie lohka znachodzić kantakt z hierojami jaje publikacyj. Ale i jaje žurnalisckaja pryncypovaść, kali tyčyłasia niejkich prablemnych artykułaŭ, była dastojnaja pavahi i časam ździŭleńnia.

Asabliva, kali z prośbaj padniać temu ŭ haziecie źviartalisia ludzi, jakija chacieli dabicca spraviadlivaści i adstajać svaje pravy.

Naŭrad ci znojdziecca čałaviek, jakoha Śviatłana pakryŭdziła, nie ličačy, moža, niezadavolenaści niejkich bakoŭ, kali pisała praŭdu i nazyvała abjektyŭnyja fakty.

Sotni jaje artykułaŭ na sacyjalnyja temy vyjšli ŭ druk na praciahu dvuch dziesiacihodździaŭ. Za kožnym jość historyja supolnaści ludziej ci asobnych hierojaŭ. A heta byli i piensijaniery, i pracaŭniki sielskaj haspadarki, i žychary Hancavičaŭ i viosak», — pišuć kalehi niabožčycy.

I dalej praciahvajuć:

«Nielha nie adznačyć, što praca karespandenta časam vyklikała niezadavalnieńnie i peŭny cisk. Śviatłana pisała na sacyjalnyja temy, ale i jany inšy raz budaražyli asobnych ludziej. U adnym ź niadaŭnich artykułaŭ na sajcie «Centr Hancavičaŭ da «Dažynak» abłysieŭ» Śviatłana pisała pra zaniepakojenaść hancaŭčan, što śpiłavali drevy ŭ horadzie.

Abjektyŭnyja fakty vyklikali niezadavalnieńnie miascovaj ułady. Da Śviatłany pryjšła milicyja i vyklikała «na biesiedu». Pa ščyraści kažučy, prykra nazirać, jak na lubuju krytyčnuju zaŭvahu ad ludziej idzie takaja reakcyja. I ludzi ŭ pahonach, byccam pa kamandzie «fas», biahuć vykonvać rasparadžeńni.

Naŭrad ci sa svajoj inicyjatyvy pryjšła milicyja da Śviatłany Małyška, bo akramia praŭdy ŭ artykule nivodnaha słova nie było. I nijakich zakonnych padstaŭ dla vykliku «na biesiedu» taksama nie było. Heta fakt.

Voś kali samich ich abo ich rodzičaŭ buduć vyklikać u pravaachoŭnyja orhany, to chaj jany raskažuć, ci buduć jany pieražyvać za takija «drobiazi». A jašče Śviatłana raskazała, što atrymała stres, kali staršynia rajvykankama Uładzimir Białoŭ, ubačyŭšy, što jana fatahrafuje kłumby, patrabavaŭ… paśviedčańnie. Tak, tyja samyja kłumby, zroblenyja kalektyvami z roznych haradoŭ Bresckaj vobłaści i jakija ŭpryhožyli Hancavičy da śviata abłasnych «Dažynak». Ujaŭlajecie ŭzrovień? Paśviedčańnie dla čaho, kab pakazać kłumbam?!»

Paśla toj sustrečy sa staršynioj rajvykankama, pavodle śviedčańnia kaleh, žančyna była ŭ ślazach. Taksama jana pieražyvała i paśla razhornutaha suprać jaje ckavańnia ŭ dziaržaŭnaj presie.

«Ci adbilisia hetyja vykliki na zdaroŭi Śviatłany Małyška? Adnaznačna. Choć jana starałasia trymać usie pieražyvańni ŭ sabie, ale apošnim časam chavać niervoznaść z-za navały «biesied» nie mahła», — kanstatujuć kalehi žurnalistki.

I «surovy fakt u tym, što Śviatłanu Małyška, jakaja lubiła svaju pracu, jakaja starałasia znajści cikavuju i karysnuju dla ludziej infarmacyju, raskazać pra losy ludziej, da žyćcia nie viernieš».

Paśla jaje śmierci biez mamy zastalisia dvoje jašče zusim małych dziaciej, 9-hadovy Cimafiej i 11-hadovaja Palina. Žančyna, pavodle śviedčańnia kaleh, vielmi ich lubiła i starałasia zabiaśpiečyć usim nieabchodnym navat u samaj ciažkaj situacyi.

Čytajcie taksama:

Pamior Aleh Anufryjenka

Pamierła Kaciaryna Pančenia

Pamior Anatol Klaščuk

Kamientary8

  • No
    19.09.2023
    [Red. vydalena]
  • Hieroi nie pamirajuć! Žyvie Biełaruś!
    19.09.2023
    łukašysckaja ž pačvara nie vajuje z žančynami , nu-nu.
  • Zanadta rańniaja śmierć
    19.09.2023
    Viečnaja joj pamiać. Niachaj jana spačyvaje ź miram i ŭvaskreśnie ŭ słavie. Spačuvańni dzieciam, rodnym, siabram i kaleham.

Ciapier čytajuć

Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2

Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ

Usie naviny →
Usie naviny

Aŭtobus z Vilni ŭ Minsk nie prapuścili praź miažu, pasažyry dabiralisia sami 

Były vice-premjer Rusy nazvaŭ Alasku ruskaj ziamloj18

Samit na Alascy: pazityŭny, niehatyŭny i inšyja scenary dla Ukrainy7

Siaredniaja cana mietra ŭ Minsku — 1754 dalary

Jak śpiecsłužby ZŠA rychtujuć sustreču Trampa i Pucina na Alascy1

Minčuk nie vieryŭ, što maci nie moža chadzić, i žorstka zabiŭ jaje. Rodnyja raniej užo vyklikali na jaho milicyju2

Palitźniavolenaja madel Vieranika Žałuboŭskaja vyjšła na svabodu

Paśpiachovaja top-madel žyvie ŭ biełaruskaj vioscy — z hanararaŭ ad Dior i Versace kupiła baćkam karovu8

Biełaruski dyzajnier staŭ suśvietna viadomym dziakujučy dziŭnym videa — ich hladziać dziasiatki miljonaŭ čałaviek25

bolš čytanych navin
bolš łajkanych navin

Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2

Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić