U piatnicu kiroŭcy zmohuć prajechacca ŭ minskim transparcie zadarma
22 vieraśnia žycharam Minska dazvolać jeździć u haradskim transparcie, uklučajučy mietro, biez apłaty prajezdu pry pradjaŭleńni paśviedčańnia kiroŭcy i paśviedčańnia ab rehistracyi transpartu, paviedamiŭ Minharvykankam. Robicca heta ŭ ramkach akcyi «Dzień biez aŭtamabila».
Tradycyjna ŭ Minsku ŭ hety dzień projdzie i akcyja «Na pracu na rovary». Buduć arhanizavanyja «enierhietyčnyja i infarmacyjnyja punkty» la hałoŭnaha ŭvachoda ŭ Centralny bataničny sad, la «Minsk-Areny» (z boku vieładarožki), pr. Dziaržynskaha, 13 (parkinh), pr. Partyzanski, 30.
«Tut ravarysty albo inšyja ŭdzielniki ruchu, jakija vykarystoŭvajuć ekałahičny transpart, zmohuć pačastavacca sadavinoj i atrymać infarmacyjnyja materyjały pra tydzień mabilnaści i dzień biez aŭtamabila», — paviedamiŭ Minharvykankam.
Taksama ŭ hety dzień daduć źnižku na arendu šerynhavych rovaraŭ dźviuch kampanij, a ŭ rajonach Minska projduć viełaprabiehi.
Akcyja «Dzień biez aŭtamabila» pravodzicca rehularna pačynajučy z 2008 hoda.
Kamientary