U Lidzie zatrymali mužčynu i jahonaha načalnika, jaki papiaredziŭ pra niebiaśpieku
U piatnicu, 22 vieraśnia, u Lidzie zatrymali čałavieka, jakoha abvinavacili ŭ tym, što jon nibyta abražaŭ milicyjantaŭ i sudździaŭ, a taksama, maŭlaŭ, ustupiŭ u płan «Pieramoha». Paśla ž hetaja nibyta standartnaja dla ciapierašnich časoŭ historyja atrymała praciah, paviedamlaje «Lusterka».
Pra toje, što jaho šukajuć, mužčynu nibyta papiaredziŭ majstar jahonaha pradpryjemstva, i siońnia, 23 vieraśnia, jaho zatrymali taksama.
Siłaviki apublikavali videa z zatrymanym kiraŭnikom navat raniej za zatrymanaha mužčynu. Na videa jon havoryć, što pracuje majstram na pryvatnym pradpryjemstvie.
«Učora supracoŭniki milicyi pryjechali, kab zatrymać majho rabotnika, jakoha nie akazałasia na pracoŭnym miescy — jon byŭ mnoj papiaredžany i pasprabavaŭ schavacca. I siońnia ja za heta zatrymany», — havoryć majstar.
U samoha majstra ŭ telefonie nibyta znajšli «raspaŭsiud ekstremisckich materyjałaŭ», a jahonaha syna, studenta Hrodzienskaha ŭniviersiteta, zatrymlivali minułaj vosieńniu «za ekstremizm».
Ciapier čytajuć
Pavietranaja himnastka pakazała zakuliśsie pracy ŭ Biełdziaržcyrku5
Kamientary